સુરતઃ શ્રી રામકૃષ્ણ વેલફેર ટ્રસ્ટ દ્વારા ડાંગ જિલ્લામાં 311 હનુમાનજી મંદિરો બાંધવાના (Hanumanji Temple Building in Daang )સંકલ્પ સાથે હનુમાનજી મંદિર નિર્માણ યજ્ઞનો પ્રારંભ કરાયો હતો. તે અનુસંધાને 20 માર્ચ રવિવારે સવારે 10 થી 1 વાગ્યા દરમિયાન ડાંગ જિલ્લાના સુબીર તાલુકાના લહાન ઝાડદર (નાની ઝાડદર)ખાતે 14 મંદિરોનો લોકાર્પણ સમારોહ શ્રી ગોવિંદદેવગીરી મહારાજ (કોષાધ્યક્ષ શ્રી રામ જન્મભૂમિ તીર્થક્ષેત્ર ટ્રસ્ટ) ના (Shri Govinddevgiri Maharaj )અધ્યક્ષસ્થાને કરવામાં આવ્યું છે.
હનુમાનજીની મૂર્તિ ઝાડ નીચે ખંડિત હાલતમાં જોવા મળી- સુરતના ઉદ્યોગપતિગોવિંદભાઈ ધોળકિયાએ (Surat businessman Govind Dholakia )જણાવ્યું હતું કે, એક વખત ડાંગના આદિવાસી બાળકોના શિક્ષણ કાર્ય માટે ત્યાંથી પસાર થતા હતાં. ત્યારે હનુમાનજીની મૂર્તિ ઝાડ નીચે ખંડિત હાલતમાં જોવા મળી હતી. આ અંગે હું સ્વામીજીને પૂછ્યું હતું ત્યારે તેઓએ જણાવ્યું હતું કે અહીં આવા દ્રશ્યો જોવા મળે છે. આ દૃશ્ય જોયા પછી ડાંગના 311 ગામમાં હનુમાનજીના મંદિરો (Hanumanji Temple Building in Daang )બાંધવા સંકલ્પ લીધાં.
ડાંગ પ્રયાગ હનુમાન યાગ નામનો હનુમાન યજ્ઞ - તેઓએ સાથે જણાવ્યું હતું કે પ્રકૃતિની ગોદમાં પાંગરેલો ડાંગ જિલ્લો અને ડાંગવાસીઓ કુદરતના ઉત્કૃષ્ટ સર્જનોમાંના એક છે. સમગ્ર ડાંગ જિલ્લામાં જંગલો ડુંગરા ખીણો અને સાથે સાથે ભવ્ય ધાર્મિક વારસો ધરાવતો પ્રદેશ છે. શબરી માતા અને ભગવાન શ્રીરામની ચરણરજથી પાવન થયેલી આ ભૂમિ દંડકારણ્ય તરીકે પણ પ્રસિદ્ધ છે. રામભક્ત હનુમાનજી (Commencement of Hanumanji Temple Construction ) સમગ્ર ડાંગવાસીઓમાં સર્વમાન્ય દેવ તરીકે પ્રસ્થાપિત છે ત્યારે ડાંગ જિલ્લામાં વસેલા સવા બે લાખ વનવાસીઓના જીવનની સામાજિક ચેતના માટે ડાંગ પ્રયાગ હનુમાન યાગ નામનો હનુમાન યજ્ઞ શરૂ કરવામાં આવ્યો છે આ મંદિરો નિર્માણ (Hanumanji Temple Building in Daang )પાછળનો હેતુ એ છે કે આ હનુમાનજી મંદિર ભક્તિ, સેવા, સ્મરણ સાથે ગામની એકતા વધે ,વ્યસન મુક્તિ અને સંસ્કારના સમન્વય સાથે તીર્થ બની રહે.