મંદબુદ્ધિઓને ક્યારેય પણ દેશના વૈજ્ઞાનિકો પર ભરોસો હોતો નથી: કેન્દ્રીય પ્રધાન ધર્મેદ્ર પ્રધાન

કેન્દ્રીય પેટ્રોલિયમ પ્રધાન ધર્મેન્દ્ર પ્રધાન આજે સુરતની મુલાકાત પર છે. સુરત મહાનગરપાલિકા દ્વારા માઈગ્રેટ સેલનું ઉદ્ઘાટન કર્યા પછી તેઓ હજીરા ખાતે એલએન્ડટી કંપનીના કાર્યક્રમમાં ભાગ લેવાના છે. અગાઉ તેઓએ ભારત સરકાર દ્વારા બે કંપનીને આપવામાં આવેલા વેક્સિનેશનની પરવાનગી વિશે પ્રતિક્રિયા આપતા જણાવ્યું હતું કે મંદબુદ્ધિઓને ક્યારે પણ દેશના વૈજ્ઞાનિકો પર ભરોસો નથી.

• કેન્દ્રીય પેટ્રોલિયમ પ્રધાન ધર્મેન્દ્ર પ્રધાન આજે સુરતની મુલાકાતે
• વેક્સિનેશનની પરવાનગી વિશે પ્રતિક્રિયા આપતા આપ્યું નિવેદન
• મંદબુદ્ધિઓને ક્યારે પણ દેશના વૈજ્ઞાનિકો પર ભરોસો નથી-ધર્મેન્દ્ર પ્રધાન
  

સુરતઃ કેન્દ્રીય પેટ્રોલિયમ પ્રધાન ધર્મેન્દ્ર પ્રધાન આજે સુરતની મુલાકાત પર છે. સુરત મહાનગરપાલિકા દ્વારા માઈગ્રેટ સેલનું ઉદ્ઘાટન કર્યા પછી તેઓ હજીરા ખાતે એલએન્ડટી કંપનીના કાર્યક્રમમાં ભાગ લેવાના છે. અગાઉ તેઓએ ભારત સરકાર દ્વારા બે કંપનીને આપવામાં આવેલા વેક્સિનેશનની પરવાનગી વિશે પ્રતિક્રિયા આપતા જણાવ્યું હતું કે મંદબુદ્ધિઓને ક્યારે પણ દેશના વૈજ્ઞાનિકો પર ભરોસો નથી.

લોકોની મંદબુદ્ધિ છે તેઓને ભારતના વૈજ્ઞાનિક ઉપર ભરોસો નથી

કોવિડ વેક્સીનેશનને લઈ જે રાજકારણ શરૂ થયું છે. તેને લઈ તેઓએ જણાવ્યું હતું કે, જે લોકોની મંદબુદ્ધિ છે તેઓને ભારતના વૈજ્ઞાનિક ઉપર ભરોસો નથી. જેઓને ભારતીયોના સત્ય ઉપર ભરોસો નથી એવા તથ્યવિહીન વાતો કરવામાં આવી રહી છે. વેકસીન અમારા વૈજ્ઞાનિકો અને મેડિસિન બનાવનાર કંપનીઓની ઉપલબ્ધિ છે. દેશના નાગરિકો સ્વાગત કરી રહ્યા છે. વડાપ્રધાનની આ પહેલને લોકો સ્વીકારી રહ્યા છે. પરંતુ કેટલાક મંદબુદ્ધિ લોકો જે ક્યારેય પણ સુધરશે નહીં અને ખાસ કરીને કોંગ્રેસ પાર્ટીનું નેતૃત્વ કે જેઓને તમામ વસ્તુઓમાં ખોટ નજર આવે છે એવા લોકોને ભગવાન સદબુદ્ધિ આપે.

રોજે કોઈ ભાવમાં વધારો થતો નથીપેટ્રોલ ડીઝલના ભાવ વધારાને લઈ પ્રધાને જણાવ્યું હતું કે, રોજે કોઈ ભાવમાં વધારો થતો નથી કેટલાક દિવસથી ભાવ સ્થિર છે અને આ મહિનામાં રાંધણગેસના ભાવમાં વધારો પણ થયો નથી. આંતરરાષ્ટ્રીય બજારમાંથી ખરીદીને અમે લોકોને આપીએ છે. જયારે આંતરરાષ્ટ્રીય બજારમાં ભાવમાં વધારો થાય છે. ત્યારે અહીં પણ ભાવ વધારો કરવામાં આવે છે અને જ્યારે ત્યાં ઘટાડો થાય છે ત્યારે અહીં પણ ઘટાડો કરવામાં આવે છે. નવેમ્બર અને ડિસેમ્બર માસમાં કેટલીક વાર ઘટાડો પણ કરવામાં આવ્યા અને વધારો પણ કરાયો છે. હું તમને આંકડાકીય માહિતી નહીં આપી શકું પરંતુ છેલ્લા ત્રણ દિવસથી ભાવમાં વધારો થયો નથી.શું કૃષિમાં રોકાણ ન થવું જોઈએ?ખેડૂત આંદોલન લઈને તેઓએ જણાવ્યું હતું કે દેશના ખેડૂતો વડાપ્રધાન સાથે છે. જો દરેક ક્ષેત્રમાં રોકાણ થતું હોય તો શું કૃષિમાં રોકાણ ન થવું જોઈએ? પૂંજી રોકાણ વધારવા માટે કાયદો લાવવામાં આવ્યો છે.માઈગ્રેટ શ્રમિકોને પણ લાગશે કે સુરત તેમનું પણ ઘર છે.સુરતમાં માઈગ્રેટ સેલને લઈ તેઓએ જણાવ્યું હતું કે હું સુરત મહાનગરપાલિકાને સૌ પહેલા અભિનંદન આપું છું. તેઓએ દેશમાં પહેલ કરી છે. પરપ્રાંતીય લોકો અને શ્રમિકોનો રજિસ્ટ્રેશન કરીને તમામ જાણકારી મેળવી. તેમના અધિકારનું રક્ષણ કરવા માટે તમામ પગલાં ભર્યા છે. માઈગ્રેટ શ્રમિકોને પણ લાગશે કે સુરત તેમનું પણ ઘર છે. ઓરિસ્સા, ઉત્તર પ્રદેશ અને બિહાર જેવા અન્ય રાજ્યોથી આવેલા શ્રમિકોના કારણે ગુજરાતની અર્થનીતિનો વિકાસ થયો છે. મહાનગરપાલિકા વિસ્તારમાં શ્રમિકોને સસ્તા દરે ભાડેથી મકાન મળી રહે એ માટે પ્રયાસો ચાલુ છે. સુરત મહાનગરપાલિકા જે રીતે કાર્ય કરી રહી છે. દેશ માટે નવું મોડલ રહેશે.