સુરતમાં શ્યામ સંધીની ટેક્સટાઈલ માર્કેટના બીજા માળે શોર્ટ સર્કિટના કારણે આગ

સુરતના સરોલી વિસ્તારમાં આવેલી શ્યામ સંધીની ટેક્સટાઈલ માર્કેટના બીજા માળે અચાનક શોર્ટ સર્કિટ થતા આગ લાગી હતી. આ આગને કાબૂમાં લેવા માટે ફાયરબ્રિગેડની 7 ગાડી ઘટનાસ્થળે પહોંચી હતી. ભારે જહેમત બાદ આગ પર કાબૂ મેળવાયો હતો.

• સરોલી વિસ્તારમાં આવેલી શ્યામ સંધીની ટેક્સટાઈલ માર્કેટમાં આગ
• શોર્ટ સર્કિટના કારણે માર્કેટના બીજા માળે આગ લાગી
• આગને કાબૂમાં લેવા માટે ફાયરબ્રિગેડની 7 ગાડી ઘટનાસ્થળે પહોંચી હતી

સુરતઃ સરોલી વિસ્તારમાં આવેલી શ્યામ સંધીની ટેક્ટાઈલ માર્કેટમાં શનિવારે બપોરે 12:45 વાગ્યે દુકાન નંબર-235માં આગ લાગી હતી. આ આગ ACમાં શોર્ટ સર્કિટ થવાના કારણે લાગી હતી. જોકે, ત્યારબાદ અફરાતફરીનો માહોસ સર્જાયો હતો. ફાયર વિભાગની 7 ગાડીએ ઘટનાસ્થળે પહોંચીને આગ પર કાબૂ મેળવ્યો હતો. સારી બાબત એ છે કે, આ આગમાં કોઈ પ્રકારની જાનહાની થઇ નથી.

આ પણ વાંચોઃભાવનગરની હોટલ જનરેશન એક્સમાં ત્રીજા માળે આગની ઘટના

આગ બૂઝાવતા અડધો કલાક લાગ્યો

ફાયર વિભાગને જાણ કરનાર અંકિત ગામીતે કહ્યું હતું કે, તેઓ દુકાનમાં કામ કરતા હતા. તે દરમિયાન અચાનક આગ લાગી હતી. ત્યારબાદ તરત જ ફાયર વિભાગને જાણ કરવામાં આવી હતી. ફાયર વિભાગની ટીમે 30 મિનીટની અંદર આગ પર કાબૂ મેળવ્યો હતો.

આ પણ વાંચોઃરાજકોટની મેંગો માર્કેટમાં અચાનક લાગી ભીષણ આગ

માર્કેટમાં લગાવવામાં આવેલા ફાયરના સાધનોની ચકાસણી કરાશે

આ અંગે ફાયર વિભાગે જણાવ્યું હતું કે, ભેસ્તાન, કોપાદ્રા અને વરાછા ફાયર સ્ટેશનથી 3-3 ગાડીઓ નીકળી હતી. આ તમામ ગાડીએ ઘટનાસ્થળે પહોંચી આગને કાબૂમાં લીધી હતી. આ સાથે જ અહીં લગાવવામાં આવેલા ફાયરના સાધનોની પણ તપાસ કરવામાં આવશે. દુકાનમાં પડેલા ખોખામાં પણ આગ લાગી ગઈ હતી.