નિર્દોષ હોવા છતાં વ્યક્તિ 3 મહિના રહ્યો જેલમાં, આ રીતે થયો ખૂલાસો

સુરતમાં એક મહિલાએ બાળકને જન્મ આપ્યો હતો. જોકે, થોડા સમય પછી બાળકનું મૃત્યુ થયું હતું. તો મહિલાના પરિવારે ભોગ બનનારી મહિલાના મિત્ર સામે પોલીસ ફરિયાદ નોંધાવી હતી. તો પોલીસે ફરિયાદને આધારે આરોપીની ધરપકડ કરી હતી. આરોપી હંમેશા પોતે નિર્દોષ છે તેવું વારંવાર કહેતો હતો. પણ પોલીસે તેની વાત ન માની અને આમ ત્રણ મહિના સુધી જેલમાં રહ્યો... જાણો આગળની હકીકત શું હતી?

સુરતઃ શહેરમાં અઠવાલાઈન્સ પોલીસ સ્ટેશનમાં (Athwalines Police Station) 3 મહિના પહેલા એક ફરિયાદ નોંધવામાં આવી હતી કે, ભોગ બનનાર મહિલા સાથે તેના મિત્રએ શરીર સંબંધ બાંધ્યો હતો. ત્યારબાદ બાળક રહી ગયું હતું અને ડિલિવરી પછી આ બાળકનું મોત થયું હતું. આ મામલે અઠવાલાઈન્સ પોલીસ (Athwalines Police Station) દ્વારા ફરિયાદમાં નોંધાવેલ નામ અનુસાર આરોપી દુલા ધામની ધરપકડ કરી આગળની કાર્યવાહી હાથ ધરી હતી.

પરિવારે ભોગ બનનારના મિત્ર સામે નોંધાવી હતી ફરિયાદ -પોલીસ ફરિયાદ અનુસાર, ભોગ બનનાર અને તેના મિત્ર સાથે શરીર સંબંધબંધાયા બાદ પેટમાં બાળક રહી ગયું હતું. ડિલિવરીનો દુખાવો થતાં પરિવાર મહિલાને સિવિલ હોસ્પિટલમાં લઈ ગયા હતા, જ્યાં ભોગ બનનારી મહિલાએ એક બાળકને જન્મ આપ્યો હતો. જોકે, બાળકનું થોડા સમય બાદ મૃત્યુ થયું હતું. ત્યારે પરિવારે ભોગ બનનારના મિત્ર સામે અઠવાલાઈન્સ પોલીસ સ્ટેશનમાં (Athwalines Police Station) ફરિયાદ નોંધાવી હતી. આ બાબતને ગંભીરતાથી લઈને પોલીસે આરોપી દુલા ધામની ધરપકડ કરી હતી.

આ પણ વાંચો-ગોમતીપુર સગીરા દુષ્કર્મ મામલો : સગીરાએ નોંધાવેલી દુષ્કર્મની ફરિયાદ પર પોલીસે કરી ઝીણવટભરી તપાસ, તો જાણો શું હકીકત આવી બહાર

બાળકની ડિલિવરી થતાં જ બાળક મૃત્યુ પામ્યું હતું -પોલીસ ફરિયાદ મુજબ, આરોપી દુલા ધામ મારફત તેમના વચ્ચે શારીરિક સંબંધ બાંધવાથી એક બાળક રહી ગયું હતું. તો આ મામલે આરોપીની ધરપકડ કરવામાં આવી હતી. બીજી તરફ આરોપી શરૂઆતથી કહેતો હતો કે, ભોગ બનનારી મહિલા તેમની મિત્ર છે. તેમની સાથે તેણે કોઈ શરીર સંબંધ બાંધ્યો નથી. આવું તે વારંવાર કહેતો હતો. પરંતુ આરોપીને ખોટી રીતે ફસાવવામાં આવ્યો છે.

આ પણ વાંચો-કળયુગ હજી કેટલું દેખાડશે..! સુરતમાં મામા કંશને પણ શરમાવે એવું કર્યું કૃત્ય

બંનેના DNA સેમ્પલ મેચ નથી થતા -આ કેસમાં શરૂઆતમાં પોલીસ વિભાગ તરફથી પોલીસ અધિકારીઓએ આ આરોપીની વાત સાંભળી નહતી. ત્યારબાદ તેમની તરફથી રજૂઆત કરવા બાદ ભોગ બનનારી મહિલાના DNA સેમ્પલ લેવામાં આવ્યા હતા. ત્યારબાદ આરોપીના પણ DNA સેમ્પલ લેવામાં આવ્યા હતા, પરંતુ બંનેના DNA સેમ્પલ મેચ થયા નહી. આરોપી નિર્દોષ છે (Accused acquitted) તેવી સ્પષ્ટતા કરવામાં આવી હતી.

ભોગ બનનારના માસીના છોકરા સાથે તેમણે શરીર સંબંધ બાંધ્યા હતા -આ અંગે તપાસ કરતા અધિકારીઓએ ભોગ બનનારી મહિલાની વારંવાર પૂછપરછ કર્યા બાદ એવું જાણવા મળ્યું કે, ભોગ બનનારાના માસીના છોકરા સાથે તેણે શરીર સંબંધ બાંધ્યા હતા. ત્યારબાદ પોલીસે ધવલની અટક કરી હતી. ત્યારબાદ ધવલના DNA સેમ્પલ ભોગ બનનાર અને બાળકના DNA સેમ્પલ લેવામાં આવ્યા હતા. એમાં DNA સેમ્પલ મેચ થઈ ગયા હતા. એટલે બાળકનો પિતા ધવલ છે એમ સાબિત થયું હતું.

નિર્દોષ છતાં આરોપીએ 3 મહિના ગુજાર્યા જેલમાં - આ તમામ બાબતોને લઈ વકીલે કોર્ટમાં રજૂઆત કરી હતી. નામદાર કોર્ટે તમામ બાબતોને ધ્યાનમાં રાખીને હાલ આરોપીને જામીન ઉપર છોડ્યો છે, પરંતુ ત્રણ મહિના સુધી આરોપી જેલમાં રહ્યો હતો.