Beware of Mobile: સુરતમાં મોબાઈલમાં વીડિયો બનાવતી બાળકીને ગળે ફાંસો લાગતા મોત

આજકાલ બાળકોને પણ મોબાઈલમાં વીડિયો બનાવવાનો ચસકો લાગ્યો છે ત્યારે આવી જ રીતે વીડિયો બનાવવામાં ને બનાવવામાં સુરતમાં એક બાળકીએ જીવ ગુમાવવાનો વારો આવ્યો છે. અન્ય વાલીઓ માટે આ કિસ્સો લાલબત્તી સમાન છે એટલે કે બાળકોએ મોબાઈલથી સાવધાન (Beware of Mobile) રહેવાની જરૂર છે. સુરતના નેપાળી પરિવારની 11 વર્ષીય બાળકી ઘરે મોબાઈલમાં વીડિયો બનાવી રહી હતી તે દરમિયાન તેને ગળે ફાંસો લાગી જતા તેનું મોત થયું હતું.

• સુરતમાં વાલીઓ માટે લાલબત્તી સમાન કિસ્સો આવ્યો
• સુરતમાં વીડિયો બનાવવાના ચક્કરમાં બાળકીએ ગુમાવ્યો જીવ
• વીડિયો બનાવતી વખતે 11 વર્ષીય બાળકીને ગળે ફાંસો લાગતા થયું મોત
• આ કિસ્સા પછી બાળકોએ મોબાઈલથી સાવધાન (Beware of Mobile)રહેવાની જરૂર

સુરતઃ યુવાનો બાદ બાળકોને પણ મોબાઈલમાં વીડિયો (Video in mobile) ચસકો લાગ્યો છે અને આવી જ રીતે એક બાળકીને પોતાનો જીવ ગુમાવવાનો વારો આવ્યો છે. સુરતના મહિધરપુરા (Mahidharpura) વિસ્તારમાં નેપાળી પરિવારની 11 વર્ષીય બાળકી ઘરે મોબાઈલમાં વીડિયો બનાવી રહી હતી. તે દરમિયાન ફાંસો લાગી જતા તેનું મોત થયું હતું. મહિધરપુરા પોલીસે આ મામલે તપાસ શરૂ કરી છે.

આ પણ વાંચો-બાળકોને તરછોડવાના કિસ્સામાં વધારો, સમાજ માટે લાલબત્તી સમાન

ઘરે એકલા મૂકીને જતા વાલીઓ માટે લાલબત્તી સમાન કિસ્સો
સુરતમાં બાળકોને ઘરમાં મૂકી જતા વાલીઓ માટે એક લાલબત્તી સમાન કિસ્સો સામે આવ્યો છે, જેમાં એક બાળકીને વીડિયો બનાવતી વખતે ફાસો લાગી જતાં તેનું મોત નીપજ્યું છે. આ અંગે મળતી માહિતી અનુસાર, સુરતના મહિધરપુરામાં આવેલા હીરા બજારના જાદાખાડીમાં આવેલી સપના બિલ્ડિંગમાં નેપાળી પરિવાર રહે છે. પરિવારના હીરાભાઈની 11 વર્ષીય નીકિતા ફિલ્મી ગીતો પર વીડિયો બનાવી રહી હતી, પરંતુ આ વીડિયો બનાવવાની કિંમત બાળકીએ જીવ ગુમાવીને ચૂકવી હતી.
આ પણ વાંચો-સાવધાન...સોશીયલ મીડિયા પર મિત્ર બનાવતા ચેતજો, BSFના જવાનને લાગ્યો 2 લાખનો ચૂનો

ઘરની લોંખડની બારી પાસે ગળે ફાંસો ખાઈને મૃત હાલતમાં મળી આવી બાળકી

ગઈકાલે માતા પોતાના કામ પરથી જમવા આવી હતી ત્યારે દીકરીને ઘરની બહાર ન જવાનું કહીને પોતાના ભાઈને સાચવા માટે કહીને જમીને પરત કામ પર ફરી હતી. જોકે, મોડી સાંજે આવતા દીકરી નિકિતા ઘરની લોંખડની બારી પાસે ગળે ફાંસો ખાઈને મૃત હાલતમાં મળી આવી હતી. માતાએ બૂમા બૂમ કરતા નજીકમાં રહેતા પાડોશી દોડી આવ્યા હતા અને બાળકીને સારવાર માટે હોસ્પિટલ લઈ ગયા હતા. જોકે, ફરજ પરના તબીબે બાળકીને મૃત જાહેર કરી હતી. જોકે ઘટનાએ જાણકારી મળતા પોલીસ પણ તાતકાલિક દોડી આવી હતી.

મહિધરપુરા પોલીસે આ મામલે ગુનો દાખલ કરી વધુ તપાસ શરૂ કરી

પોલીસની પૂછપરછમાં બાળકીની માતાએ જણાવ્યું હતું કે, તેને ફિલ્મી ગીતો પર વીડિયો બનાવવાનો શોખ હતો. તે જ્યારે ઘરમાં હોય ત્યારે તે અવારનવાર આવા વીડિયો બનાવતી હતી. વીડિયો બનાવતા બનાવતા જ તેને ગળે ફાંસો લાગ્યો હોય શકે છે. મહિધરપુરા પોલીસે આ મામલે ગુનો દાખલ કરી વધુ તપાસ શરૂ કરી છે. પોલીસ તેમના મોબાઈલની પણ તપાસ કરશે.