રેમડેસીવીર ઇન્જેક્શનની કાળા બજાર કરતી મહિલાની ધરપકડ

સુરતના અડાજણ વિસ્તારમાં રેમડેસીવીર ઇન્જેક્શનની કાળા બજારી કરતી મહિલાને ક્રાઈમ બ્રાન્ચે બાતમીના આધારે ઝડપી પાડી હતી અને તેના પતિને વોન્ટેડ જાહેર કર્યો હતો. મહિલા પાસે ખોટા દર્દીઓ મોકલીને તેને ઝડપી લેવાઈ હતી પોલીસે કાળાબજાર કરનાર મહિલા પાસેથી રૂપિયા.3419 કિંમતના 3 રેમડેસિવિર ઇન્જેક્શન કબજે કર્યા હતા.

• સુરતમાં રેમડેસીવીર ઇનજેક્શનની કાળા બજારી કરતી મહિલા ઝડપાઈ
• ઉંચા ભાવે વેચતી હતી મહિલા ઇન્જેક્શન
• પોલીસે રૂપિયા 83419નો માલ કબજે કર્યો

સુરત: કોરોના મહામારી ચાલી રહી છે ત્યારે કોરોનાના દર્દીઓની સારવારમાં ઉપયોગમાં લેવાતા રેમડેસીવીર ઇન્જેક્શનની અછત વચ્ચે ઇન્જેક્શન કાળા બજાર કરનારાઓ બેફામ બન્યા છે. સુરત ક્રાઇમ બ્રાન્ચને મળેલી માહિતી બાદ અડાજણ ડી માર્ટ પાસે હિતેશ રેતીવાલા નામનો વ્યક્તિ તેની પત્ની સાથે મળીને કોરોનાના દર્દીને આપતા રેમડેસીવીર ઇન્જેક્શન પોતાની પાસે ગેરકાયદેસર રાખી કાળા બજારમાં બજાર કિંમત કરતા ઊંચી કિંમતે વેચી રહ્યા છે આ જાણકારી ક્રાઇમ બ્રાન્ચે બાદ એક ડમી ગ્રાહક તૈયાર કર્યો હતો.

આ પણ વાંચો : અમદાવાદમાં રેમડેસીવર ઇન્જેક્શનની કાળા બજારીમાં વધુ એકની ધરપકડ

બે પ્રકારના 3 રેમડેસિવિર ઇન્જેક્શન મળી આવ્યા

ડમી ગ્રાહક હિતેશ રેતી વાલા ને ફોન કરી ત્રણ ઇન્જેકશનની માંગણી કરી હતી દરમિયાન હિતેશ રેતીવાલા એક ઈન્જેક્શનના 11000 થશે તેવી વાત કરી હતી ત્યાર બાદ પત્ની રશ્મી હિતેશ વાલાને પોલીસે ઝડપી પાડી હતી પોલીસે હિતેશ રેતી વાલાને વોન્ટેડ જાહેર કરી તેની પત્ની પાસેથી જુદા-જુદા બે પ્રકારના 3 રેમડેસિવિર ઇન્જેક્શન રૂપિયા 3419 મોબાઇલ ફોન તેમજ એકટીવા મળી કુલ રૂપિયા 83419નો માલ કબજે કર્યો હતો.