સુરતમાં વધુ એક હનીટ્રેપનો કિસ્સો સામે આવ્યો

સુરતના સરથાણા વિસ્તારમાં હનીટ્રેપનો કિસ્સો સામે આવ્યો છે. સરથાણા વિસ્તારના યુવકને ઓનલાઇન યુવતી સાથે મિત્રતા કરવી ભારે પડી છે. મિત્રતા કર્યા બાદ મેસેજ અને વીડિયો કોલમાં વાતચીત કરી હતી. ત્યારબાદ યુવતીએ યુવક પાસે એક લાખ રૂપિયાની માંગણી કરી હતી.

• સોશિયલ મીડિયામાં મિત્રતા કરવી યુવકને ભારે પડી
• સુરતમાં યુવતીએ યુવક પાસે ખંડણી માંગી
• યુવકને વીડિયો વાઇરલ કરવાની ધમકી આપી હતી

સુરતઃ શહેરના સરથાણા વિસ્તારના એક યુવક દ્વારા સોશિયલ મીડિયા દ્વારા એક યુવતી સાથે મિત્રતા થઇ હતી. ત્યારબાદ આ યુવક અને યુવતી એક બીજાના મોબાઈલ નંબર લઈને વાતચીત કરવાનું ચાલુ કર્યું હતું. પછી ધીમે ધીમે એકબીજા વીડિયો કોલ ઉપર પણ વાત કરતા થઈ ગયા હતા. ગત 14 માર્ચના રોજ આ બન્ને પોતાના ઘરમાં એક રૂમમાં વીડિયો કોલમાં વાત કરતા હતા તે દરમિયાન યુવીતી દ્વારા તમામ હદ પાર કરીને નિર્વસ્ત્ર થઈ હતી. વીડિયો કોલનું સ્ક્રિન રેકોર્ડિંગ કરીને થોડા દિવસ પછી આ વીડિયો યુવતી દ્વારા યુવકને મોકલી ધમકી આપી હતી કે તેના એકાઉન્ટમાં એક લાખ રૂપિયા જમા નહીં કરાવે તો આ વીડિયો તે વાઇરલ કરી દેશે.

મહિલા સહિત ત્રણ સામે ફરિયાદ નોંધાઈ

આ પણ વાંચોઃ વેજલપુરમાં હનીટ્રેપનો કિસ્સો, યુવતીએ પતિ સાથે મળી 8 વર્ષ જુના મિત્રને ફસાવી પડાવ્યા રૂપિયા

યુવતીએ પોલીસના નામે ધમકી આપી

યુવતી દ્વારા યુવકને સોશિયલ મીડિયામાં ફ્રેન્ડશિપ ગ્રુપમાંથી અનફ્રેન્ડ કરીને યુવકને અવાર-નવાર કોલ કરી એક લાખ રૂપિયાની માગણી કરવામાં આવતી હતી. યુવતીને યુવકને જણાવ્યું હતુ કે વહેલી તકે નાણા આપી દે નહિ તો આ વીડિયો તે વાઇરલ કરી નાખશે. તેમ છતાં યુવકે નાણા જમા કરવાની ના પાડી હતી. ત્યારબાદ યુવતી દ્વારા તેના ફોનથી કોઈ જયરાજ નામના વ્યક્તિએ વાત કરતાં એમ જણાવ્યું હતુ કે અમરોલી પોલીસ સ્ટેશનના LCBમાંથી બોલે છે, તારી ઉપર અમદાવાદથી છોકરીના કાકાએ અમરોલી પોલીસ સ્ટેશનમાં અશ્લિલ વીડિયો વાઇરલ કર્યાનો કેસ નોંધાવ્યો છે. જો તારે સમજાવટ કરવી હોય તો એક લાખ રૂપિયા તેના એકાઉન્ટમાં જમા કરાવી આપ અથવા તે જણાવે ત્યા મોકલી આપ.

યુવક દ્વારા 45 હાજર રૂપિયા આપવાનું નક્કી થયું

યુવકે એક લાખને બદલે 45 હજાર રૂપિયા આપવાનું નક્કી કર્યું હતું. બીજી બાજુ આ યુવક દ્વારા સરથાણા પોલીસ સ્ટેશનમાં સમગ્ર વાતની ચર્ચા કરી હતી. સરથાણા પોલીસ દ્વારા યુવકને જણાવવામાં આવ્યું હતુ કે યુવતીને ફોન કરીને તેને નાણા લેવા માટે વરાછા મીની બજાર પાસે આવેલી વૈશાલી વડાપાવ પાસે બોલાવો. આ દરમિયાન યુવક પાસે એક અજાણ્યો શખ્સ આવ્યો હતો અને જયરાજ સાથે કોન્ફ્રન્સમાં વાત કરાવી હતી. આ દરમિયાન જ સરથાણા પોલીસે નાણા લેવા આવેલા યુવકને પકડી પાડ્યો હતો. આ યુવકનું સાચું નામ સંદીપ વાળા બહાર આવ્યું હતું.

આ પણ વાંચોઃ સિદ્ધપુરમાં હનીટ્રેપને અંજામ આપનારી ટોળકી ઝડપાઈ

મહિલા સહિત ત્રણ સામે ફરિયાદ નોંધાઈ

સરથાણા પોલીસ દ્વારા ખંડણીના પૈસા લેવા માટે આવનારી વ્યક્તિની પૂછપરછ કરવામાં આવી હતી. આ દરમિયાન તેણે નાણા લેવા મોકલનારી વ્યક્તિનું નામ દિવ્યાંગ કમલેશ ભટ્ટી આપ્યું હતું. તે વ્યક્તિ વરાછાની નિલકંઠ સોસાયટીમાં રહે છે અને તેના જ ગામના સંદીપ જોરુભા વાળાને પૈસા લેવા માટે મોકલ્યો છે તેમ સમગ્ર વાત બહાર આવી હતી. સરથાણા પોલીસ દ્વારા આ યુવકની ફરિયાદ લઈને યુવતીનું નામ સુનિતા શર્મા, સંદીપ જોરુભા વાળા અને દિવ્યાંગ કમલેશ ભટ્ટી સામે ગુનો નોંધીને આગળની તપાસ હાથ ધરી છે.