#JeeneDo: 'માતા-પિતાએ નહિ, પરંતુ ગોવાના મુખ્યપ્રધાને આ નિવેદન પર આત્મમંથન કરવાની સખત જરૂર છે'

ગોવા( Goa)માં બીચ પર બે સગીરા સાથે સામૂહિક દુષ્કર્મની ઘટના બની હતી. આ સામૂહિક દુષ્કર્મની ઘટના અંગે મુખ્યપ્રધાન પ્રમોદ સાવંતે વિવાદિત નિવેદન આપ્યું છે. તેમણે નિવેદનમાં સગીરાના માતા-પિતાને આત્મમંથન કરવાની જરૂર છે કે, તેમના બાળકો આટલી રાત સુધી બીચ પર શું કામ હતા. આ નિવેદન બાદ માત્ર વિપક્ષ જ નહિ, પરંતુ દેશના લોકો ટીકા કરી રહ્યા છે.

• સામૂહિક દુષ્કર્મ કેસમાં મુખ્ય પ્રધાન પ્રમોદ સાવંતે વિવાદિત નિવેદન આપ્યું છે
• નિવેદન આપતાં જણાવ્યું હતું કે માતા-પિતાને આત્મમંથન કરવાની જરૂર
• રાજ્યમાં લો એન્ડ ઓર્ડર વ્યવસ્થિત રહે તેની જવાબદારી રાજ્ય સરકારની હોય છે

સુરત: ગોવા( Goa)માં બીચ પર બે સગીરા સાથે થયેલા સામૂહિક દુષ્કર્મ કેસમાં મુખ્યપ્રધાન પ્રમોદ સાવંતે(chief minister Pramod Sawant) વિવાદિત નિવેદન આપ્યું છે. સાવંતે આ ઘટના અંગે નિવેદન આપતાં જણાવ્યું હતું કે, માતા-પિતાને આત્મમંથન કરવાની જરૂર છે કે, તેમના બાળકો આટલી રાત સુધી બીચ પર શું કામ હતા. આ નિવેદન બાદ માત્ર વિપક્ષ જ નહિ, પરંતુ દેશના લોકો ટીકા કરી રહ્યા છે.

આ પણ વાંચો- #JeenDo: સમાજ અને પ્રસાશન ગુન્હા થયા બાદ જ કેમ જાગે છે

ગોવા જેવા રાજ્યમાં લો એન્ડ ઓર્ડર વ્યવસ્થિત રહે તેની જવાબદારી રાજ્ય સરકારની હોય છે

સુરતમાં મહિલાઓએ આ નિવેદનને વખોડી કાઢતાં જણાવ્યું હતું કે, માતા-પિતાએ નહી, પરંતું તેમને આ નિવેદન પર આત્મમંથન કરવાની સખ્ત જરૂર છે. ગોવા( Goa) જેવા રાજ્યમાં લો એન્ડ ઓર્ડર વ્યવસ્થિત રહે તેની જવાબદારી રાજ્ય સરકારની હોય છે.

માણસની અંદર જે વિકૃતિ છે તે દૂર કરવાની જરૂરિયાત

સુરતની દુરૈયા મુસ્તફા કે જેઓએ 35 દિવસમાં 10 હજાર કિલોમીટર એકલી ટ્રક ચલાવીને રિપોર્ટ બનાવ્યો છે. તેઓએ ગોવા( Goa)ના મુખ્યપ્રધાન પ્રમોદ સાવંત(chief minister Pramod Sawant)ના વિવાદિત નિવેદન પર પ્રતિક્રિયા આપતા જણાવ્યું હતું કે, યુવતીઓને એકલા ફરવાનો કેમ અધિકાર નથી. કેમ બીજાના કારણે તેઓ ડરીને ઘરમાં એકલી રહે, માણસની અંદર જે વિકૃતિ છે તે દૂર કરવાની જરૂરિયાત છે. પહેલા એ બદલવાની જરૂર છે, સરકાર લો એન્ડ ઓર્ડર સખત બનાવે.

કોઈપણ વ્યક્તિ આવું ખરાબ કામ કરતા પહેલા સોવાર વિચાર કરે

કોઈપણ વ્યક્તિ આવું ખરાબ કામ કરતા પહેલા સોવાર વિચાર કરે. દુબઈની વાત કરવામાં આવે, તો ત્યાં કાયદો આટલો સખત છે. ત્યાંની મહિલાઓ સુરક્ષિત છે, મિક્સ કમ્યુનિટી છે તેમ છતાં કાયદો સખત હોવાના કારણે અપરાધ ઓછા થાય છે.

જેન્ડર ઇક્વોલિટીનો અધિકાર છે

મહિલા બાલ વિકાસ CID બ્રાન્ચના સભ્ય દર્શના જાનીએ જણાવ્યું હતું કે, ઘટના ખુબ જ શરમજનક કહેવાય તંત્ર અને સરકાર માટે. ગોવા( Goa) એક એવું સ્થળ છે, જ્યાં લોકો એન્જોય કરવા જાય છે, જ્યાં નાઈટ ક્લબ હાઉસ પણ છે, જ્યારે આવી ઘટના બને ત્યારે મહિલાઓ કેટલી સુરક્ષિત છે તે પ્રશ્ન ઊભો થાય છે. જેન્ડર ઇક્વોલિટીનો અધિકાર છે. મહિલા એકલી ક્યાંય પણ જઈ શકે છે. તંત્રએ મહિલાઓની સેફ્ટીનું ધ્યાન આપવું જોઈએ. જે રીતે મુખ્યપ્રધાન દ્વારા નિવેદન આપવામાં આવ્યું છે, તેમણે એક વખત ફરી વિચાર કરવો જોઈએ.

આ પણ વાંચો- #JeeneDo: ગુજરાતમાં 3 વર્ષમાં મહિલા અત્યાચારના 25,261 ગુનાઓ નોંધાયા, 4454 ગુનાઓ સાથે અમદાવાદ મોખરે

માતા-પિતા 24 કલાક ધ્યાન આપશે તો સરકાર અને તંત્ર શું કરશે

ફેશન ડિઝાઇનિંગ ક્ષેત્ર સાથે સંકળાયેલા જસદીપ બુટીએ જણાવ્યું હતું કે, ગોવા( Goa)માં જે ઘટના બની છે અને મુખ્યપ્રધાને જે નિવેદન આપ્યું છે, તે વ્યાજબી નથી. જો માતા-પિતા 24 કલાક ધ્યાન આપશે તો સરકાર અને તંત્ર શું કરશે. જોવા જઈએ તો ગોવા એક ટુરિસ્ટ પ્લેસ છે, ટુરિસ્ટ પોતાના માતા-પિતાને લઈને ગોવા આવશે ? મુખ્યપ્રધાને જે નિવેદન આપ્યું છે તે ખૂબ જ ખોટું છે. સુરક્ષા આપવાની જવાબદારી સરકાર અને તંત્રની છે.