- રાખડીઓ બનાવડાવી, બોર્ડર પર પણ જવાનોના બાંધશે રક્ષાસૂત્ર
- પોલીસ જવાનો થી માંડીને સીમા પર તૈનાત જવાનોને રક્ષા સૂત્ર બાંધવામાં આવશે
- દિવ્યાંગો તથા વિધવા મહિલાઓ દ્વારા બનાવવામાં આવી રાખડી
સુરત: "રક્ષા આપણા રક્ષકોની" જેવા સૂત્ર સાથે એક સોચ અને NACHICOI સંસ્થા દ્વારા એક અનોખી પહેલ કરવામાં આવી છે. સંસ્થા દ્વારા એક હાથ અનેક બંધન કાર્યક્રમનું આયોજન કરવામાં આવ્યું હતું. આ કાર્યક્રમ હેઠળ આપણી રક્ષા કરનારા પોલીસ જવાનો થી માંડીને સીમા પર તૈનાત જવાનોને રાખડી મોકલવામાં આવશે. સંસ્થાની બહેનો દ્વારા આર્મી જવાન, પોલીસ જવાન અને એનસીસી કેસેટ્સ ને સન્માનિત કરવા સાથે જ તેમના હાથ પર રાખડીઓ બાંધવામાં આવી હતી.
આ પણ વાંચો :તાલિબાનોએ હવે અફઘાનિસ્તાનના રાષ્ટ્રપતિ ભવન પર કબજો કર્યો
આયોજનમાં 7000 હજાર રાખડીઓ બાંધવામાં આવશે
આ પ્રસંગે એક સોચ ફાઉન્ડેશનના રીતુ રાઠી એ જણાવ્યું હતું કે દેશના રક્ષકોને સન્માનિત કરવા સાથે જ તેમની રક્ષાની કામના કરવા માટે આ આયોજન કરવામાં આવ્યું હતું. આ સમગ્ર આયોજનમાં 7000 હજાર રાખડીઓ બાંધવામાં આવશે. સાથે જ વિધવા સ્ત્રીઓ અને દિવ્યાંગોને રોજગાર મળી રહે તે માટે આ તમામ રાખડીઓ તેમની પાસેથી જ બનાવડાવી છે. સુરતથી આ કાર્યક્રમની શરૂઆત કરવામાં આવી છે. આગળ વડોદરા ખાતે પણ આવી જ રીતે રક્ષકોને રાખડીઓ બાંધવામાં આવશે. ત્યાર બાદ સંસ્થાની ચાર બહેનો બોર્ડર પર જશે અને જવાનોના કાંડા પર રક્ષા સૂત્ર બાંધશે.
વિધવા મહિલાઓ અને દિવ્યાંગોએ બનાવેલી 7000 રાખડીઓ બંધાશે બોર્ડર પર તૈનાત સૈનિકોને આ પણ વાંચો : Khudiram Bose ની શહીદીની અમર ગાથા:19 વર્ષની વયમાં હાથમાં ગીતા લઇને ફાંસીને ફંદે ઝૂલી ગયાં હતાં મહાન ક્રાંતિકારી
રક્ષા માટેની કામના
સંસ્થાની સોનમ બેને આ અંગે વધુ મા જણાવ્યું હતું કે દર વર્ષે આપણે ભાઈઓને રાખડી બાંધીએ છીએ ત્યારે આપણી રક્ષા કરતા જવાનો પણ આપણા ભાઈઓ જ છે ત્યારે આ વખતે ઘરના ભાઈઓના બદલે દેશના ભાઈના રાખડી બાંધી તેમની રક્ષા માટેની કામના કરવામાં આવશે.
