2.27 કરોડનું બેંક લોન કૌભાંડ : બેન્ક મેનેજરની સંડોવણી, CIDએ 5 આરોપીની કરી ધરપકડ

ક્રિમિનલ ઇન્વેસ્ટિગેશન ડિપાર્ટમેન્ટ સુરત દ્વારા 2.27 કરોડના બેંક લોન કૌભાંડ અંગે ફરિયાદ નોંધાવવામાં આવી છે આ કૌભાંડ કોઈ બીજું નહીં પરંતુ બેંકના મેનેજરો દ્વારા આચરવામાં આવ્યું છે..આ ફરિયાદમાં ત્રણ બેંક મેનેજર સહિત મહિલાઓ સામેલ છે. કુલ 27 જેટલા લોકો સામે ફરિયાદ દાખલ કરવામાં આવી છે. આ સમગ્ર મામલે સીઆઇડીએ પાંચ લોકોની ધરપકડ કરી છે અને રિમાન્ડ મેળવી વધુ તપાસ હાથ ધરી છે. બોગસ ક્વોટેશન લેટરના આધારે કરોડો રૂપિયાની લોન એકબીજાના મેળાપીપળાથી આપવામાં આવી હતી.

સુરત : પ્રખ્યાત બેંક.ઓફ.બરોડામાં અલગ અલગ સ્કીમ અને ક્વોટેશન આપી લોન મેળવવામાં આવી હતી અને ત્યારબાદ આ લોનના હપતા નહીં ભરવા અંગે અનેક કેસો સામે આવ્યાં હતાં. આ મસમોટું કૌભાંડ હોવાનું જાણવા મળતાં આખરે ક્રિમિનલ ઇન્વેસ્ટિગેશન ડિપાર્ટમેન્ટ દ્વારા તપાસ હાથ ધરવામાં આવી હતી તપાસમાં કૌભાંડ 2.27 કરોડ રૂપિયાનું હોવાનું બહાર આવતાં સીઆઇડી ક્રાઇમે પૂર્વ 3 મેનેજર સહિત ૨૭ જેટલા લોકો સામે ફરિયાદ નોંધી હતી.

બેંક લોન કૌભાંડ

બેંકના જયપુર મેનેજર અને અન્ય લોકો મળી આખું કૌભાંડ આચર્યું હતું. જ્યારે આ સમગ્ર ઘટના અંગે બેંકને જાણકારી મળી હતી ત્યારે નવયુગ કોલેજ શાખાના મેનેજર સંજીવ કુમાર પ્રકાશ દ્વારા પોતાના જ બેન્કના ત્રણ તત્કાલીન મેનેજર સહિત અન્ય કર્મચારીઓ સામે ફરિયાદ નોંધાવી હતી.. સીઆઇડી ક્રાઇમે નીલેશ છગન વાઘેલા, વિજય હરજી મકવાણ, હર્ષદ નાર વસતરપરા,મયૂર નારણભાઈ વસતરપરા, સંજયભાઈ અમરિસંહભાઈ ખોખરીયાની ધરપકડ પણ કરી છે અને વધુ તપાસ માટે તમામ આરોપીઓને કોર્ટમાં રજૂ કરી રિમાન્ડ પણ માગ્યાં છે.સીઆઇડી ક્રાઇમના સુરતના અધિકારીઓ મુજબ વર્ષ 2016થી લઇ 2018ના સમયગાળામાં આ સમગ્ર કૌભાંડ આચરવામાં આવ્યું હતું.સમગ્ર મામલે છેતરપિંડી,વિશ્વાસઘાત અને કાવતરાની કલમ તેમ જ બોગસ ડોક્યુમેન્ટ બનાવી રજૂ કરવાની ફરિયાદ નોંધાવી છે. જેમાં પ્રમોદકુમાર, સંજીવકુમાર, શૈલેન્દ્રકુમાર આ ત્રણેય બેંકના તત્કાલીન સિનિયર મેનેજર સામેેેલ હતાં. નીલેશ નામનો આરોપી કન્સલ્ટિંગ એજન્ટ છે. જ્યારે આરોપી ભરત અકબરી ઝીરો મેક્સ ઇન્ડસ્ટ્રીઝ અને વીએમ એન્ટરપ્રાઇઝનો પ્રોપ્રાયટર છે. યોજનાબદ્ધ તરીકે આ તમામ લોકોએ મળીને કંપનીના અનેક મશીનરી ખરીદવા માટે ડુપ્લિીકેટ ક્વોટેશન લેટર મૂકીને બેંક પાસે 2.27 કરોડનું લોન મેળવી હતી. આ લોન તેઓએ પીએમજીપી અને એસએમઇ યોજના હેઠળ મેળ લઇ લીધી હતી .ત્યારબાદ લોનની રકમ નહીં ભરતાં આખરે સમગ્ર કૌભાંડ બહાર આવ્યું છે. સીઆઇડી ક્રાઇમે તમામ આરોપીઓના કોરોના ટેસ્ટ કરાવ્યાં છે. જે નેગેટિવ આવતાં આજે તેમને કોર્ટમાં રજૂ કરાયાં હતાં અને રિમાન્ડ મેળવી વધુ તપાસ હાથ ધરી છે. જોકે હજુ પણ 22 જેટલા આરોપીઓની ધરપકડ કરવાની તજવીજ સીઆઇડી દ્વારા શરૂ કરવામાં આવી છે.