અપમૃત્યુના બનાવોમાં ગોંડલ નવા માર્કેટ યાર્ડમાં આવેલા અમૃત એન્ટરપ્રાઇઝ નામની દુકાનમાં મજૂરી કામ કરતા બાબુભાઇ ગોવિંદભાઈ શાકરિયા ઉ.વ. 55 (રહે. ગુંદાળા)એ કોઈ અગમ્ય કારણોસર ગળે ફાંસો ખાઈ આત્મહત્યા કરી લેતા સીટી પોલીસના જમાદાર રાજેન્દ્રસિંહ ઝાલાએ તપાસ હાથ ધરી હતી. મૃતક બાબુભાઇ ઘણા સમયથી યાર્ડની દુકાનમાં જ રહેતા હતા. ત્રણ ચાર દિવસે એક વાર ઘરે જતા હતા, તેમને સંતાનમાં બે પુત્રો છે. તેમજ ઘટનાસ્થળ પર ઝેરી દવાની બોટલ પણ મળી આવી હોવાથી પોલીસે વધુ તપાસ હાથ ધરી હતી.
રાજકોટના ગોંડલમાં અપમૃત્યુના બે બનાવ