રાજકોટઃ જિલ્લામાં ગોંડલ પંથકમાં કોરોનાના કેસ ખૂબ જ વધી રહ્યા છે, ત્યારે આવા સંજોગોમાં પોઝિટિવ દર્દીને રાજકોટ લઇ જવામાં કેટલીક વખત એમ્બ્યુલન્સ પણ ન મળતી હોય, તે વાત ગોંડલના મહારાજા જ્યોતીન્દ્રસિંહજી સાહેબ તેમજ યુવરાજ હિમાંશુસિંહજી સાહેબને ધ્યાને આવતા તેમણે ગોંડલના કોઈ કોરોના પોઝિટિવ દર્દીને એમ્બ્યુલન્સ બાબતે જીવ જોખમમાં ન મૂકાય તે ઉમદા હેતુથી તાત્કાલિક નવી એમ્બ્યુલન્સ ગોંડલને ભેટ આપવાનું નક્કી કર્યું હતું.
પરંતુ એમ્બ્યુલન્સમાં દરેક કંપનીના વેઇટિંગ ચાલતું હોય અને જો ગોંડલને સમયસર એમ્બ્યુલન્સ ન મળે તો કોઈ દર્દીનો જીવ જોખમમાં મુકાઈ જાય તેમ હોવાથી આવા સંજોગોમાં ગોંડલના વર્તમાન મહારાજા જ્યોતીન્દ્રસિંહજી સાહેબે પોતે જે ટોયોટા ઇનોવા કાર ઉપયોગમાં લે છે તે કારને જ એમ્બ્યુલન્સ બનાવી ડેપ્યુટી કલેકટરને અર્પણ કરી હતી અને આરોગ્ય વિભાગને સોપવામાં આવી હતી.
આજના લોકશાહીના યુગમાં પણ ગોંડલની પ્રજાએ રાજાશાહીના દર્શન કર્યા હતા. આવી વિકટ પરિસ્થિતિમાં પણ રાજવી પરિવારે ગોંડલની પ્રજાની ચિંતા કરી તે સરાહનીય છે.