રાજકોટ-અમદાવાદ છ માર્ગીય નેશનલ હાઇ-વેની બામણબોર સુધીની કામગીરી 2021ના અંત સુધી થશે પૂર્ણ

નેશનન હાઇવે ઓથોરિટી અને વહીવટી તંત્ર સાથે યોજવામાં અવલી બેઠકમાં કલેકટરે અત્યાર સુધી થયેલી કામીગીરી અને હાથ ધરવાની અન્ય કામગીરી અંગે વિગતો જાણી આ કામ ઝડપથી પુર્ણ થાય તે માટે ડિસેમ્બર 2021 સુધીમાં બે ફલાય ઓવર સિવાયની કામગીરી પુર્ણ કરવા ઉપસ્થિત રહેલા એજન્સીના કોન્ટ્રાકટર અને અધિકારીઓને જણાવ્યું હતું.

• કલેકટરે અત્યાર સુધી થયેલી કામીગીરીની કરી સમીક્ષા
• નેશનલ હાઇ-વે પર ચાલી રહેલા સિક્સ લેઈન-વેનું કામ પ્રગતિ હેઠળ
• હાઇ-વે ઓથોરીટી અને વહિવટી તંત્રના અધિકારીઓ સાથે બેઠક યોજાઈ

રાજકોટ: રાજકોટ- અમદાવાદ નેશનલ હાઇ-વે પર ચાલી રહેલા સિક્સ લેઈન-વેનું કામ પ્રગતિ હેઠળ છે. રાજકોટથી બામણબોર સુધીના 30.58 કિ.મી.ના રસ્તાનું કામ ડિસેમ્બર 2021 સુધીમાં પુર્ણ કરવા રાજકોટ કલેકટર અરૂણ મહેશ બાબુએ સુચના આપી હતી. કલેકટરે નેશનલ હાઇ-વે ઓથોરીટી અને વહિવટી તંત્રના અધિકારીઓ સાથે સોમવારના રોજ છ માર્ગીય રસ્તાના પ્રોજેકટની પ્રગતિ અંગે સમીક્ષા બેઠક યોજી હતી.

પ્રોજેકટની પ્રગતિ અંગે સમીક્ષા બેઠક યોજાઈ

આ પણ વાંચો: અરવલ્લી જિલ્લામાં સુજલામ સુફલામ અંતર્ગત 157 કામ પૂર્ણ, 518 કામ પ્રગતિ હેઠળ

હિરાસર એરપોર્ટ ફલાયઓવર ટેન્ડર પ્રકિયા નવેમ્બર સુધી પુર્ણ

હિરાસર ઇન્ટરનેશનલ ગ્રીન ફિલ્ડ એરપોર્ટ સુધી હાઇ-વેનો ઉપયોગ કરવા માટે કેટલીક કામગીરી નેશનલ હાઇ-વે ઓથોરિટી હસ્તક છે. જેમાં હિરાસર એરપોર્ટ ફલાયઓવર ટેન્ડર પ્રકિયા નવેમ્બર સુધી પુર્ણ કરવામાં આવશે અને ત્યાર બાદ એક વર્ષમાં કામ પૂર્ણ કરવામાં આવશે. આ બેઠકમાં કલેકટર કેતન ઠકકર, નેશનલ હાઇ-વેના કાર્યપાલક ઇજનેર એચ.યુ. પટેલ સહિતના અધિકારીઓ અને એજન્સીના કોન્ટ્રાકટરો ઉપસ્થિત રહયા હતા.