પરિવારજનો કોરોનાના ડરના કારણે નથી લેવા જતા અસ્થિ

રાજકોટ સહિત સમગ્ર રાજ્યમાં કોરોનાની પરિસ્થિતિ અત્યંત ગંભીર બની છે. જેને લઈને સરકારી અને ખાનગી હોસ્પિટલોમા પણ દર્દીઓને સારવાર માટે બેડ નથી મળી રહ્યા, ત્યારે બીજી તરફ દરરોજ 30થી 40 દર્દીઓના કોરોનાના કારણે મોત થઈ રહ્યા છે. કોરોનાથી મૃત્યુ પામેલા આ દર્દીઓના શહેરના અલગ-અલગ સ્મશાનમાં અંતિમ સંસ્કાર કરવામાં આવી રહ્યા છે, પરંતુ આ દર્દીઓના અગ્નિ સંસ્કાર બાદ તેમના અસ્થિ લેવા માટે તેમના પરિવારજનો પણ નથી આવી રહ્યા, જેને લઈને સ્મશાનના સંચાલકો પણ મૂંઝવણમાં મુકાયા છે.

• રાજકોટમાં કોરોનાના કેસમાં સતત વધારો
• દરરોજ 30થી 40 દર્દીઓના કોરોનાથી થઈ રહ્યા છે મોત
• દર્દીઓના અગ્નિ સંસ્કાર બાદ પરિવારજનો અસ્થિ લેવા માટે પણ નથી આવી રહ્યા

રાજકોટઃ રાજ્યમાં કોરોનાના કેસમાં સતત વધારો થઈ રહ્યો છે. કોરોનાથી દર્દીઓના મોતની સંખ્યામાં પણ વધારો થઈ રહ્યો છે. ત્યારે કોરોનાથી મૃત્યુ પામેલા આ દર્દીઓના શહેરના અલગ-અલગ સ્મશાનમાં અંતિમ સંસ્કાર કરવામાં આવી રહ્યા છે, પરંતું કોરોનાના ડરના દર્દીના પરિવારજનો તેમના અસ્થિ લેવા માટે પણ નથી આવી રહ્યા.

અસ્થિ

રામનાથપરા સ્મશાન ગૃહમાં 1 હજાર કરતા વધુ અસ્થિઓ પડી છે

રાજકોટનું મુખ્ય સ્મશાન રામનાથપરા સ્મશાન ગૃહમાં છેલ્લા ત્રણ મહિનામાં 1 હજાર કરતા વધુ અલગ-અલગ મૃતકોના અગ્નિ સંસ્કાર બાદ તેમના અસ્થિ એકઠા થયા છે. જે અંગે સ્મશાન સંચાલક શ્યામ પાનખાણીયાએ જણાવ્યું હતું કે, છેલ્લા 1 વર્ષથી કોરોના સંક્રમણના ભયના કારણે અહીં પોતાના સ્વજનોનું અગ્નિ સંસ્કારની વિધિ કરાવ્યા બાદ તેમના અસ્થિ લેવામાં પણ તેઓ ડરી રહ્યા છે. હાલ સ્મશાનમાં 1 હજાર કરતા વધુ મૃતકોની અંતિમવિધિ બાદ તેમના અસ્થિઓ તેમના પરિવારજનો લેવા માટે આવ્યા નથી.

શ્યામ પાનખાણીયા, સ્મશાન સંચાલક

આ પણ વાંચોઃસુરત શહેર બાદ હવે ગ્રામ્ય વિસ્તારમાં પણ સ્મશાન ગૃહના હૈયું હચમચાવી દેતા દ્રશ્યો

દરરોજ 100 કરતા વધુ કોરોના પોઝિટિવ કેસ

રાજકોટમાં દરરોજ 100 કરતા વધુ કોરોના પોઝિટિવ કેસ સામે આવી રહ્યા છે. તેમજ 30થી 40 દર્દીઓના મોત થઈ રહ્યા છે. ત્યારે આ દર્દીઓના અંતિમવિધિ માટે પણ રાજકોટમાં અલગ-અલગ સ્મશાનમાં વેઇટિંગ પણ જોવા મળ્યું હતું. જોકે, આ મામલે મીડિયાના અહેવાલ બાદ રાજકોટ મનપા તંત્ર જાગ્યું હતું અને તાત્કાલિક રાજકોટના વધુ 6 સ્મશાનમાં કોરોનાથી મૃત દર્દીઓના અંતિમ સંસ્કાર માટેની મંજૂરી આપી હતી. રાજકોટમાં કોરોના દર્દીઓના મૃત્યુ બાદ પણ તેના પરિવારજનો હેરાન ન થાય તે માટે રાજકોટ મનપા તંત્ર દ્વારા વ્યવસ્થા ગોઠવવામાં આવી હતી.

આ પણ વાંચોઃ કોરોના સંક્રમણથી મૃત્યુઆંકમાં વધારો, સ્મશાની શું છે સ્થિતિ જાણો Etv Bharatનું રિયાલીટી ચેક