રાજકોટ જિલ્લા કલેક્ટરે શ્રમિકો માટે 9 ટ્રેન બૂક કરાવી

સમગ્ર દેશમાં લોકડાઉન છે, ત્યારે ઘણા બધા લોકો અલગ-અલગ જગ્યાએ ફસાયા છે. જ્યારે કેટલાક લોકો કામધંધા બંધ હોવાના કારણે આંતરિક મુશ્કેલીનો સામનો કરી રહ્યાં છે. તેઓ પોતાના વતન જવાની માગ કરી રહ્યા છે.

રાજકોટઃ હાલ સમગ્ર દેશમાં લોકડાઉન છે. ત્યારે ઘણા બધા લોકો અલગ-અલગ જગ્યાએ ફસાયા છે. જ્યારે કેટલાક લોકો કામધંધા બંધ હોવાના કારણે આંતરિક મુશ્કેલીનો સામનો કરી રહ્યાં છે. તેઓ પોતાના વતન જવાની માંગ કરી રહ્યાં છે. એવા રાજકોટ જિલ્લામાંથી અલગ-અલગ રાજ્યમાં અત્યાર સુધીમાં 5 જેટલી સ્પેશિયલ ટ્રેન મારફતે પરપ્રાંતિયોને પોતાના વતનમાં મોકલવામાં આવ્યા છે.

રાજકોટ જિલ્લા કલેક્ટરે શ્રમિકો માટે 9 ટ્રેન બુક કરાવી

રાજકોટ જિલ્લા કલેક્ટર રેમ્યા મોહન દ્વારા હજુ પણ વધારાની 9 ટ્રેનને બૂક કરાવી છે. જેમાં મધ્યપ્રદેશ, ઉત્તરપ્રદેશ, બિહાર સુધી શ્રમિકોને તેમના વતન પહોંચાડવામાં આવશે. આગામી 5 દિવસમાં 9 ટ્રેનો જશે. મધ્યપ્રદેશ તરફ 3 ટ્રેન, ઉત્તરપ્રદેશ તરફ 5 ટ્રેન અને બિહાર તરફ 1 ટ્રેન મોકલવામાં આવશે. આમ રાજકોટ જિલ્લામાંથી જવા માંગતા શ્રમિકોને પોતાના વતનમાં પરત મોકલવા માટે વહીવટી તંત્ર દ્વારા અથાગ પ્રયત્ન કરવામાં આવી રહ્યા છે.