રાજકોટઃ રાજકોટના વોર્ડ નંબર 13માં આજે સ્થાનિક મહિલાઓ દ્વારા પાણી મુદ્દે વિરોધ પ્રદર્શન કરવામાં આવ્યું હતું. જેમાં માટલા ફોડી થાળી વગાડવામાં આવી હતી. આ સાથે પાણી મુદ્દે સ્થાનિક મહિલાઓ દ્વારા ભારે સૂત્રોચ્ચાર પણ કરવામાં આવ્યો હતો.
ઉલ્લેખનીય છે કે, રાજકોટના કેટલાક વિસ્તારમાં મનપા દ્વારા આજે પાણીકાપ આપવામાં આવ્યો છે. રાજકોટના હજુ પણ છેવાડાના વિસ્તારમાં મનપા દ્વારા માત્ર એકાતરે પાણી આપવામાં આવે છે. જ્યારે અમુકવાર ભેળસેળયુક્ત અને ગંદુ પાણી આવતું હોવાની પણ ફરિયાદ જોવા મળી છે. જેને લઇને આજે વોર્ડ નંબર 13ના કોંગ્રેસ કોર્પોરેટર જાગૃતિબેન ડાંગર સહિતની સ્થાનિક મહિલાઓ દ્વારા તંત્રને જગાડવા માટે આશ્ચર્યજનક કાર્યક્રમ યોજવામાં આવ્યો હતો.