રાજકોટ:અંદાજીત છેલ્લા 100 દિવસથી વધુ સમયથી નરેશ પટેલ રાજકારણમાં જોડાશે કે નહીં તેના પર સસ્પેન્સ ચાલી રહ્યું છે. ખોડલધામ(Khodaldham Trust) એટલે નરેશ પટેલ અને નરેશ પટેલ એટલે ખોડલધામ. આ ઓળખ ધરાવનાર પાટીદાર અગ્રણી નરેશ પટેલે 27 ફેબ્રુઆરીએ પ્રથમ વખત રાજકારણની વાત કરી હતી.
આ પણ વાંચો:ઘરઆંગણે જ ખોડલધામ ટ્રસ્ટને આમંત્રણ ન મળતાં પાટીદારોએ આ રીતે ઠાલવ્યો ગુસ્સો
માર્ચની શરૂઆતમાં જાહેર કરશે તેવી પ્રથમ વખત જાહેરાત -રાજકારણમાં જોડાવું કે નહીં તે અંગેનો નિર્ણયમાર્ચની શરૂઆતમાં જાહેર કરશે તેવી પ્રથમ વખત જાહેરાત કરી હતી. બાદમાં એક બાદ એક તારીખ પાડતા રહ્યા અને તારીખની સંખ્યા 7 પર પહોંચી અને દિવસની સંખ્યા 100થી વધુ થઈ છે, પરંતુ હજુ સુધી પોતાનો નિર્ણય જાહેર કરી શક્યા નથી અને કઈ પાર્ટીમાં જોડાશે તેના કોઈ ઠેકાણા નથી. નરેશ પટેલ રાજકારણમાં જોડાઈ એ પહેલા જ રાજનીતિ રમતા હોય એવું ચિત્ર ઉપસી રહ્યું છે.
આ પણ વાંચો:ખોડલધામ ખાતે યોજાયેલ બેઠકમાં નરેશ પટેલે લીધો આ મહત્વનો નિર્ણય
નરેશ પટેલની પ્રવેશવું કે ન પ્રવેશવાની માઈન્ડ ગેમ -ખોડલધામના નરેશ પટેલ 100 દિવસથી રાજકારણમાં પ્રવેશવું કે ન પ્રવેશવાની માઈન્ડ ગેમ રમી રહ્યા છે. એક તબક્કે તો નરેશ પટેલ કોંગ્રસમાં જોડાશે એવું નક્કી પણ થઈ ગયું હતું, પરંતુ પ્રશાંત કિશોરનું ગોઠવાયું નહીં અને હવે નરેશ પટેલનું પણ ગોઠવાતું નથી. નરેશ પટેલને આગામી વિધાનસભા ચૂંટણીમાં(Gujarat Assembly Election 2022) કોંગ્રેસનો CMનો ચહેરો(Face of the CM of Congress) બનવું હોઈ તેવું લાગી રહ્યું છે, પરંતુ આવું ન થાય તો નરેશ પટેલ રાજકારણમાં નહીં જોડાય એ નક્કી હોઈ શકે છે. ત્યારે આવી સ્થિતિમાં નરેશ પટેલ તારીખોમાં અટવાઇ ગયા છે. જેથી આવનારી બેઠકમાં રાજકીય બાબતે નિર્ણય(Final decision of Naresh Patel) જાહેર થાય તેવી શક્યતા સેવાઈ રહી છે.
