રાજકોટમાં GSTના 2 કર્મચારી 3.50 લાખ રૂપિયાની લાંચ લેતા રંગેહાથ ઝડપાયા

રાજકોટમાં સ્ટેટ જીએસટી (State GST)ના વર્ગ-2 અને વર્ગ-3ના અધિકારીઓ લાંચ લેતા રંગેહાથ ઝડપાયા છે. ACBની ટીમે આ અધિકારીઓને ઝડપી પાડ્યા હતા. GSTમાં અધિકારીઓ દ્વારા ફરિયાદી પાસે બે ટ્રક ભરેલ માલ જવા દેવા બોગસ ઈ-વે બિલ પર નોટિસ પાઠવી મેમો આપવા કહેવામાં આવ્યું હતું. અધિકારીઓએ મસમોટી રકમની લાંચ માગતા ફરિયાદીએ ACBને અરજી કરી હતી. તો રાજકોટ ACBએ ટ્રેક ગોઠવી GSTના 2 અધિકારી અને એક વચેટિયા મળી કુલ 3 લોકોને રંગેહાથ લાંચ લેતા ઝડપી પાડ્યા હતા.

• રાજકોટમાં સ્ટેટ જીએસટી (State GST)ના વર્ગ-2 અને વર્ગ-3ના અધિકારીઓ 3.50 લાખ રૂપિયાની લાંચ લેતા રંગેહાથ ઝડપાયા
• GSTમાં અધિકારીઓ દ્વારા ફરિયાદી પાસે બે ટ્રક ભરેલ માલ જવા દેવા બોગસ ઈ-વે બિલ પર નોટિસ પાઠવી મેમો આપવા કહેવામાં આવ્યું હતું
• અધિકારીઓએ મોટી રકમ માગતા ફરિયાદીએ રાજકોટ ACBને ફરિયાદ કરી હતી, ACBએ છટકું ગોઠવી ત્રણ આરોપીની કરી ધરપકડ

રાજકોટઃ શહેરમાં 2 જીએસટી (GST) અધિકારીઓ લાંચ લેતા રંગહાથ ઝડપાયા છે. વર્ગ-2 અને વર્ગ 3ના અધિકારીએ ફરિયાદી પાસે 8 લાખ રૂપિયાની લાંચ માગી હતી. તો ફરિયાદીએ આ અંગે રાજકોટ ACBને જાણ કરતા ACBએ છટકું ગોઠવ્યું હતું. તે દરમિયાન સ્ટેટ જીએસટીના 2 અધિકારીઓ અને એક વચેટિયો 3.50 લાખ રૂપિયાની લાંચ લેતા ઝડપાયા હતા.

આ પણ વાંચો-સર્વશિક્ષા અભિયાનના વર્ગ-2ના અધિકારી નિપુણ ચોક્સી લાંચ લેતા ઝડપાયા

જીએસટીના (GST) અધિકારીઓ લાંચ લેતા ઝડપાતા ચકચાર

રાજકોટ ACB દ્વારા આજે સ્ટેટ GSTના વર્ગ-2 અધિકારી વિક્રમ દેવરખીભાઈ કનારા અને વર્ગ- 3નો કર્મચારી અજય શિવશંકરભાઈ મહેતાને લાંચ લેતા ઝડપી પાડવામાં આવ્યા છે. રાજકોટના ભૂતખાના ચોક પરથી આ લાંચિયા અધિકારીઓ 3.50 લાખ રૂપિયાની લાંચ લેતા રંગેહાથ ઝડપાયા છે. આ સાથે જ ACBની ટીમે એક વચેટિયાને પણ આ મામલે ઝડપી પાડ્યો છે. રાજકોટમાં સ્ટેટ જીએસટી (State GST) વિભાગના વર્ગ-2 અને 3ના કર્મચારીઓ લાંચ લેતાં ઝડપાતા ચકચાર મચી જવા પામી છે. જ્યારે ACB દ્વારા આ મામલે ગુનો નોંધી ઈસમો વિરુદ્ધ વધુ તપાસ શરૂ કરવામાં આવી છે.
આ પણ વાંચો-સુરત ACBની ટીમે સિમ્મેર હોસ્પિટલના મેડિકલ ઓફિસરની 2500 રૂપિયા લાંચ લેતા રંગે હાથે ધરપકડ કરી

વચેટિયા મારફતે માંગી હતી લાંચ

આ અંગે મળતી માહિતી અનુસાર, ફરિયાદીનો માલસામાન ટ્રકમાં રાજકોટ તરફથી બામણબોર GIDC જતો હતો. જ્યારે આ ટ્રકો જઈ રહ્યા હતા. તે સમય દરમિયાન GST વિભાગના વર્ગ-2ના અધિકારી એવા વિક્રમ કનારા અને વર્ગ-3નો કર્મચારી અજય મહેતાએ આ ટ્રકોને રોકી ટ્રકો સાથે રહેલા માલસામાનના બિલ તથા ઈ-વે બિલ ખોટા હોવાનું જણાવ્યું હતું. આ સાથે જ જીએસટી (GST)ની કલમ હેઠળ આ ટ્રકોને ડિટેઈન કરવાનું કહ્યું હતું, જેને લઈને ટ્રકના માલિકે ટ્રકને જવા દેવા વિનંતી કરી હતી, પરંતુ બંને GST અધિકારીઓએ વચેટિયા મનસુખલાલ હિરપરા મારફતે ટ્રકના માલિક પાસે 8 લાખ રૂપિયાની લાંચ માગી હતી. ત્યારબાદ લાંચની રકમ 4 લાખ રૂપિયા નક્કી કરી હતી.

ફરિયાદી લાંચ આપવા માંગતા નહતા

ટ્રકના માલિકો સાથેની વાતચીત દરમિયાન 4 લાખ રૂપિયાની લાંચ લેવાનું નકકી કરવામાં આવ્યું હતું. ત્યારબાદ આ બંને ટ્રકોને GSTના અધિકારીઓ દ્વારા જવા દેવામાં આવ્યા હતા. જોકે, આ મામલો અહીં પૂરો થયો નહતો અને બીજા દિવસે GSTના અધિકારી વતી વચેટિયા મનસુખલાલ હિરપરાએ 50 હજાર રૂપિયા ફરિયાદી પાસેથી લીધા હતા. તેમ જ આ મામલે બાકી રહેતા 3.50 લાખ રૂપિયાની ત્રણેય આરોપીઓ ફરિયાદી તથા તેના ભાગીદાર પાસે સતત રૂપિયાની ઉઘરાણી કરતા હતા. આને લઈને ફરિયાદી દ્વારા ACBમાં અરજી આપવામાં આવી હતી. રાજકોટ ACB દ્વારા પણ આ મામલે ટ્રેપ ગોઠવવામાં આવી હતી, જેમાં આ અધિકારીઓ રંગેહાથ લાંચ લેતા ઝડપાયા હતા.