Food Checking Drive માં રાજકોટ આરોગ્યવિભાગનો સપાટો, ડ્રાયફ્રુટ અને ઘીના નમૂના લીધા

દેશમાં દિવાળીના તહેવારોને બસ હવે ગણતરીના જ દિવસો બાકી છે. એવામાં રાજકોટ મહાનગરપાલિકાનું ( RMC ) ફૂડ વિભાગ સક્રિય થયું છે. રાજકોટ ફૂડ વિભાગ દ્વારા શહેરમાં ભેળસેળ અને વાસી ખાદ્યપદાર્થો વેચતા ઈસમો પર કાર્યવાહી ( Food Checking Drive ) કરવામાં આવી રહી છે.

• રાજકોટમાં દિવાળી પૂર્વે ફૂડ વિભાગનું ચેકિંગ
• જુદાં જુદાં વિસ્તારોમાં ડ્રાયફ્રુટ અને ઘીના નમૂના લીધાં
• 24 કિલોગ્રામ જેટલો અખાદ્ય પદાર્થ મળ્યો જેનો નાશ કરાયો

રાજકોટઃઆજે ફૂડ વિભાગ ( Rajkot Health Department ) દ્વારા શહેરના અલગ અલગ વિસ્તારમાં કુલ 17 જેટલી ખાદ્યપદાર્થોની દુકાનમાં ચેકિંગ ( Food Checking Drive ) કરવામાં આવ્યું હતું. જે દરમિયાન 24 કિલોગ્રામ જેટલો અખાદ્ય પદાર્થ મળી આવ્યો હતો. આ તમામ અખાદ્ય પદાર્થોનો ફૂડ વિભાગ દ્વારા ઘટના સ્થળે જ નાશ કરવામાં આવ્યો હતો. તેમજ આ મામલે કાર્યવાહી કરવામાં આવી છે.
ખાદ્યપદાર્થોની 17 દુકાનોમાં ચેકિંગ હાથ ધરાયું
રાજકોટ ફૂડ વિભાગ ( Rajkot Health Department ) દ્વારા આજે શહેરના કુવાડવા રોડ, યુનિવર્સિટી રોડ, મોરબી બાયપાસ રોડ, સંતકબીર રોડ પરની વિવિધ 17 જેટલી ખાદ્યપદાર્થોની દુકાનો પર ચેકિંગ ( Food Checking Drive ) કરવામાં આવ્યું હતું. જે દરમિયાન સોસ, વાસી ચટણી, સડેલા બટાટા, વાસી તીખું પાણી, વાસી બ્રેડ સહિતનો આખાદ્ય પદાર્થ દુકાનોમાંથી ઝડપી પાડવામાં આવ્યો હતો. ચેકિંગ દરમિયાન અંદાજીત 24 કિલોગ્રામ જેટલો અખાદ્ય પદાર્થ ઝડપાયો હતો. જેનો ફૂડ વિભાગ દ્વારા ઘટના સ્થળે જ નાશ કરવામાં આવ્યો હતો. જ્યારે અખાદ્ય પદાર્થ વેચતા વેપારીઓ વિરુદ્ધ કાર્યવાહી પણ કરવામાં આવી હતી.

ડ્રાયફ્રુટ અને ઘીના નમૂના લેવામાં આવ્યાફૂડ વિભાગ ( Rajkot Health Department ) દ્વારા ચેકિંગ દરમિયાન અખાદ્ય પદાર્થનો જથ્થો ઝડપી પાડવામાં આવ્યો હતો. આ સાથે જ તહેવારો દરમિયાન ભેળસેળયુક્ત વસ્તુઓને લઈને વિવિધ જગ્યાએથી કાજુના સેમ્પલ પણ લેવામાં આવ્યાં હતાં. જ્યારે દિવાનપરા વિસ્તારમાંથી અમુલ અને ગોપાલ ઘીની 500 ગ્રામના પાઉચના પણ નમૂના લેવામાં આવ્યા છે. જેને તપાસ અર્થે લેબોરેટરી ખાતે મોકલવામાં આવ્યા છે. જ્યારે આ સેમ્પલ આવ્યા બાદ વધુ કાર્યવાહી કરવામાં આવશે. ઉલ્લેખનીય છે કે દિવાળીના તહેવારને ધ્યાનમાં રાખીને ફૂડ વિભાગ ( Food Checking Drive ) દ્વારા સતત કાર્યવાહી કરવામાં આવી રહી છે.

આ પણ વાંચોઃ Dussera પૂર્વે રાજકોટની દુકાનોમાંથી 44 કિલો વાસી મીઠાઈ ઝડપાઇ, RMC Health Department નો સપાટો

આ પણ વાંચોઃ સુરત આરોગ્ય વિભાગ દ્વારા મીઠાઈ વિક્રેતાઓના ત્યાં દરોડા, માવાના સેમ્પલો લેવામાં આવ્યા