જેતલસર હત્યાકાંડ અંગે ઉપલેટા પાટીદાર સમાજ દ્વારા મામલતદારને આવેદનપત્ર અપાયું

રાજકોટના ઉપલેટામાં સમસ્ત પાટીદાર સમાજ દ્વારા જેતલસર ગામે થયેલી તરુણીની હત્યાના આરોપીને કડકમાં કડક સજા થાય તે માટે ઉપલેટા મામલતદારને આવેદનપત્ર પાઠવવામાં આવ્યું.

• સમસ્ત પાટીદાર સમાજ દ્વારા આવેદનપત્ર આપવામાં આવ્યું
• જેતલસર હત્યાકાંડને કડક શબ્દોમાં વખોડવામાં આવ્યો
• ઘટનામાં સંડોવાયેલા શખ્સને કડક સજા આપવામાં આવે તેવી માંગ કરાઇ

રાજકોટ : થોડા દિવસ પહેલા જેતપુર તાલુકાના જેતલસર ગામે સગીર વયની તરુણીની છરીના ઘા મારીને ક્રૂરતાપૂર્વક હત્યા કરવામાં આવી હતી. આ હત્યાનો આરોપી 24 વર્ષીય જયેશ ગિરધર સરવૈયા છે. આ તરુણીને તેના ભાઈ-બહેન એકલા હતા. ત્યારે તેના ઘરમાં ઘુસીને તેને ઘરમાંથી બહાર ઢસડીને મૃતકને આશરે 32 જેટલા ઘા મારીને ક્રુરતાપુર્વક હત્યા કરી હતી.

પાટીદાર સમાજ દ્વારા મામલતદારને આવેદનપત્ર અપાયું

આ પણ વાંચો : જેતલસર હત્યાકાંડ: હાર્દીક પટેલ અને રેશ્મા પટેલ પીડિત પરિવારની મુલાકાતે

ઘટનામાં સંડોવાયેલા શખ્સને કડકમાં કડક સજા મળે તેવી માંગણી

ઉપલેટા સમસ્ત પાટીદાર સમાજ દ્વારા આ ઘટનાને કડક શબ્દોમાં વખોડી કાઢવામાં આવી હતી. ભવિષ્યમાં કોઈની પણ બહેન-દીકરી અને તરુણીની પજવણી કરી પોતાની મલિન રાક્ષસી વૃત્તિ સંતોષવાની માનસિકતા ધરાવતા લોફર આવારા તત્વો કોઈને પોતાનો શિકાર ન બનાવે નહિ. તથા આ ઘટનામાં સંડોવાયેલા શખ્સને કડકમાં કડક સજા મળે એવી માંગણી સાથે સમસ્ત પાટીદાર સમાજ દ્વારા ઉપલેટા મામલતદારને આવેદનપત્ર આપવામાં આવ્યું હતું.