- રાજકોટ જિલ્લામાં છેલ્લા 24 કલાકમાં સારો વરસાદ
- જળાશયોમાં કુલ 36.2% નવા નીર આવ્યા
- જળાશયોમાં નવા નીર આવતાં ખેડૂતો અને તંત્રને હાશકારો
રાજકોટ: રાજકોટ જિલ્લાના વિવિધ જળાશયોમાં છેલ્લા 24 કલાકમાં વરસાદ પડતા નવા નીરની આવક થઈ છે. મળતી માહિતી પ્રમાણે ભાદર ડેમમાં 26મી.મી. વરસાદથી પાણીની આવકમાં 1.54 ફૂટના વધારા સાથે જીવંત જળ સપાટી 22.20 ફૂટ, આજી – 1 ડેમ પર 15 મી.મી. વરસાદથી પાણીની આવકમા 1.43 ફૂટના વધારા સાથે જીવંત જળ સપાટી 16.80 ફૂટ, આજી – 2 ડેમ પર 50મી.મી. વરસાદથી પાણીની આવકમાં 0.20 ફૂટના વધારા સાથે જીવંત જળ સપાટી 30.10 ફૂટ, આજી – 3 ડેમ પર 75 મી.મી. વરસાદથી પાણીની આવકમા 0.33 ફૂટના વધારા સાથે જીવંત જળ સપાટી સાથે 21.40 ફૂટ જોવા મળી રહી છે.
આજી–1 ડેમમા 1.43, વેરી ડેમમા 1.57 ફૂટનો વધારો
સુરવો પર 47 મી.મી. વરસાદથી પાણીની આવકમા 0.66 ફૂટના વધારા સાથે જીવંત જળ સપાટી 5.10 ફૂટ, વેરી ડેમ પર 135 મી.મી. વરસાદથી પાણીની આવકમાં 1.57 ફૂટના વધારા સાથે જીવંત જળ સપાટી સાથે 9.40 ફૂટ, ન્યારી -1 ડેમ પર 18 મી.મી સાથે પાણીની આવકમા 0.16 ફૂટના વધારા સાથે જીવંત જળ સપાટી 17.10 ફૂટ, ન્યારી – 2 ડેમ પર 35 મી.મી. વરસાદથી પાણીની આવકમા 1.64 ફૂટના વધારા સાથે જીવંત જળ સપાટી સાથે 13.10 ફૂટ, છાપરાવાડી -1માં 110 મી.મી. વરસાદથી પાણીની આવકમા 1.48 ફૂટના વધારા સાથે જીવંત જળ સપાટી 12.70 ફૂટ છે.