સૌરાષ્ટ્ર યુનિવર્સિટીનો સર્વે: વિદ્યાર્થીઓ ઓનલાઈન શિક્ષણની આડમાં જોઈ રહ્યાં છે પોર્ન સાઇટ

સૌરાષ્ટ્ર યુનિવર્સિટીના મનોવિજ્ઞાન ભવન દ્વારા તાજેતરમાં સર્વે હાથ ધરવામાં આવ્યો હતો. આ સર્વે ઓનલાઈન શિક્ષણને લઈને હતો. જેમાં સર્વે કર્યા બાદ સામે આવ્યું છે કે, ઓનલાઈન શિક્ષણ બાદ બાળકો મોબાઈલ પર ઈન્ટરનેટના માધ્યમથી પોર્ન સાઇટ જોઈ રહ્યા છે. જ્યારે વધુ પ્રમાણમાં સોશિયલ સાઈટનો પણ ઉપયોગ કરી રહ્યા છે. બાળકો ઓનલાઈન અભ્યાસના આડમાં મોબાઈલમાં પોર્ન જોતા હોવાનું સર્વેમાં બહાર આવતા હાલ રાજકોટમાં ચર્ચાનો વિષય બન્યો છે.

• સૌરાષ્ટ્ર યુનિવર્સિટીના મનોવિજ્ઞાન ભવન દ્વારા કરાયો સર્વે
• આ સર્વે ઓનલાઈન શિક્ષણને લઈને હતો
• વિદ્યાર્થીઓ ઓનલાઈન શિક્ષણની આડમાં જોઈ રહ્યા છે પોર્ન સાઇટ સર્વેમાં થયો ખુલાસો

રાજકોટઃ સૌરાષ્ટ્ર યુનિવર્સિટીના મનોવિજ્ઞાન ભવન દ્વારા ઓનલાઈન શિક્ષણ લેતા બાળકો શિક્ષણ સાથે શુ શુ પ્રવૃત્તિઓ કરી રહ્યા છે, તે અંગેનો સર્વે ખાનગી રાહે કરવામાં આવ્યો હતો. જેમાં એક 9 વર્ષની બાળકી ઓનલાઈન શિક્ષણની આડમાં પોર્ન વીડિયો જોતી હોવાનું ખુલ્યું હતું. જેને લઈને તાત્કાલિક આ બાળકીનું કાઉન્સેલિંગ કરવામાં આવ્યું હતું. જ્યારે મોટાભાગના વિદ્યાર્થીઓ ઓનલાઈન શિક્ષણ પૂર્ણ થઈ ગયા બાદ આવી પ્રવૃત્તિ કરતા હોવાનું ખુલ્યું છે.

ડો. યોગેશ જોગશન

સર્વે દરમિયાન ચોંકાવનારો ખુલાસા થયા

આ અંગે સૌરાષ્ટ્ર યુનિવર્સિટીના મનોવિજ્ઞાન ભવનના અધ્યક્ષ ડો. યોગેશ જોગશને જણાવ્યું હતું કે, પ્રોફેસર ડો.ધારા દોશી અને વિદ્યાર્થીની ભૂમિકા ડોબરિયા દ્વારા ખૂબ જ ગુપ્ત રીતે આ સર્વે કરવામાં આવ્યો હતો. જેમાં સામે આવ્યું હતું કે મોટાભાગના બાળકો ઓનલાઈન શિક્ષણની આડમાં સોશિયલ સાઇટ અને ઈન્ટરનેટ પર ન જોવાનું જોઈ રહ્યા છે. જે ખૂબ જ દુઃખની ઘટના છે.