- રાજકોટમાં દુષ્કર્મનો બનાવ આવ્યો સામે
- 8 વર્ષની બાળાનું અપહરણ કરી દુષ્કર્મનો શિકાર બનાવી
- પોલીસે આરોપીની ધરપકડ કરીને વધુ તપાસ હાથ ધરી
રાજકોટ: જિલ્લામાં વધુ એક દુષ્કર્મનો બનાવ સામે આવ્યો છે. જેમાં ગામમાં રહેતાં પરપ્રાંતીય પ્રૌઢે 8 વર્ષની એક બાળાનું અપહરણ કરી અવાવરૂ જગ્યા પર લઇ જઇ દુષ્કર્મ આચર્યું હતું. જેની ફરિયાદ મહિલા પોલીસ સ્ટેશનમાં નોંધાવામાં આવી છે. બે સંતાનના પિતાએ બાળાના મોઢા પર ડૂચો દઇ દુષ્કર્મનો શિકાર બનાવી હતી. હાલ મહિલા પોલીસે અપહરણ, દુષ્કર્મ અને પોક્સોના કાયદા હેઠળ આરોપીની ધરપકડ કરીને વધુ તપાસ હાથ ધરી છે.
આ પણ વાંચો:સુરતઃ દુષ્કર્મનો પ્રયાસ નિષ્ફળ જતા પાડોશીએ 10 વર્ષીય બાળકીની કરી હત્યા
રાજકોટ પોલીસે આરોપીને રાતો રાત જ પકડ્યો
રાજકોટ પોલીસે આરોપીને રાતો રાત જ પકડી પાડ્યો હતો. ગામમાંં ભાડેથી રહેતાં પરણેલા શખ્સે 8 વર્ષની એક બાળાને હવસનો શિકાર બનાવી હતી. રાત્રીના નવ વાગ્યે તે બાળાનો હાથ પકડી નજીકના પટમાં લઇ જઈ મોઢે ડૂચો દઇ દુષ્કર્મ ગુજારતાં ચકચાર મચી ગઈ હતી. બાળા લાંબો સમય સુધી ઘરે ન આવતાં તેના દાદી શોધવા નીકળ્યા હતાં. થોડા સમય બાદ બાળા ઘરે પહોંચીને આપવીતી જણાવી હતી.