રાજકોટમાં વસતા 250 પાકિસ્તાની પરિવારને હવે અહીંથી જ મળશે નાગરિકતા

કેન્દ્ર સરકાર દ્વારા હવે શરણાર્થીઓને પોતાના જ જિલ્લામાં નાગરિકતા મળે તે માટેનો નિર્ણય જાહેર કરવામાં આવ્યો છે. જેમાં રાજકોટમાં છેલ્લા 10 વર્ષથી રહેતા 250 જેટલા પરિવારને આનો સીધો જ લાભ મળશે.

• રાજકોટમાં વસતા 250 પાકિસ્તાની પરિવારને હવે અહીંથી જ મળશે નાગરિકતા
• કેન્દ્ર સરકાર દ્વારા કરાયો નિર્ણય
• છેલ્લા 10વર્ષથી વધુ સમયથી રહેતા 250 જેટલા પરિવારને આનો સીધો જ લાભ મળશે

રાજકોટઃ કેન્દ્ર સરકાર દ્વારા હવે શરણાર્થીઓને પોતાના જ જિલ્લામાં નાગરિકતા મળે તે માટેનો નિર્ણય જાહેર કરવામાં આવ્યો છે. જેના થકી રાજકોટમાં છેલ્લા 10વર્ષથી વધુ સમયથી રહેતા 250 જેટલા પરિવારને આનો સીધો જ લાભ મળશે. તેઓને કેન્દ્ર સરકારના આ નિર્ણયને કારણે હવે ગાંધીનગર અથવા દિલ્હી સુધીમાં ધક્કા નહિ ખાવા પડે, તેમને રાજકોટમાંથી જ નાગરિકતા મળી જશે. અત્યાર સુધી તેમને નાગરિકતા માટે દિલ્હી અને ગાંધીનગરના ધક્કા ખાવા પડતા હતા, પરંતુ હવેએ સુવિધા અહીં રાજકોટમાં જ શરૂ થવાની હોવાના કારણે અહીં રહેતા પરિવારોમાં પણ ખુશીનો માહોલ જોવા મળી રહ્યો છે.

આ પણ વાંચો : રાજકોટમાં એક માસમાં ત્રણ સગા ભાઈઓનો કોરોનાએ ભોગ લીધો

હવે દિલ્હી, ગાંધીનગરના ધક્કા નહિ ખાવા પડે

પાકિસ્તાનમાંથી આવેલા 250 જેટલા બિન મુસ્લિમ પરિવાર રાજકોટના ભગવતીપરામાં રહે છે, ત્યારે અહીં કેટલાક લોકો 15 વર્ષથી તો કેટલાક 10 વર્ષ કરતા વધુ સમયથી રહે છે, પરંતુ આ લોકોને ભારતની નાગરિકતા માટે દિલ્હી અથવા ગાંધીનગરના ધક્કા ખાવા પડતા હતા. કેન્દ્ર સરકાર દ્વારા રાજકોટમાંથી જ બિન મુસ્લિમ લોકોને નાગરિકતા મળશે તેવો નિર્ણય જાહેર કરવામાં આવ્યો છે. જેના કારણે અહીં વર્ષોથી રહેતા પરિવારોમાં જાણે દિવાળીનો માહોલ સર્જાયો હોય તેવી ખુશી જોવા મળી છે.

રાજકોટ

આ પણ વાંચો : રાજકોટઃ સિવિલના કોરોના વોર્ડમાં મહિલા એટેન્ડન્ટની છેડતી કરનાર સુપરવાઈઝર ઝડપાયો

જિલ્લા કલેક્ટરને અરજી આપવાની રહેશે

દેશમાં અન્ય દેશમાંથી આવેલા બિન મુસ્લિમ શરણાર્થીઓને નાગરિકતાઓને હવે કલેક્ટર કચેરીમાં અરજી કરવાની રહેશે. તેવું જાહેરનામું શુક્રવારે જ કેન્દ્ર સરકાર દ્વારા બહાર પાડવામાં આવ્યું છે. જે મુજબ ગુજરાતના રાજકોટ, મોરબી, પાટણ અને વડોદરા આ ચાર જિલ્લાઓમાં વસવાટ કરતા અન્ય દેશના બિન મુસ્લિમ શરણાર્થીઓ હવે નાગરિકતા માટે કલેક્ટરને અરજી કરી શકશે. એટલે કે આ શરણાર્થીઓને હવે નાગરિકતા માટે દિલ્હી અથવા ગાંધીનગરના ધક્કા નહિ ખાવા પડે. જેને લઈને તેઓમાં ખુશીનો માહોલ છવાયો છે.

રાજકોટ

અમે ભારત સરકારના આભારી છીએ

રાજકોટમાં વસતા 250 જેટલા પાકિસ્તાની પરિવારોને હવે નાગરિકતા માટે દિલ્હી અને ગાંધીનગરના ધક્કા નહિ ખાવા પડે, તે વાતની ખબર પડતાં તેઓએ સરકારને આભાર માન્યો હતો. જ્યારે Etv Bharatને રાજકોટમાં 15 વર્ષથી રહેતા મહેશ મહેશ્વરીએ જણાવ્યું હતું કે, અહીં અમારા સમાજના 250 પરિવાર રહે છે. જેઓને આગામી દિવસોમાં હવે નાગરિકતા મળશે. જેને લઈને અમે સરકારનો આભાર માનીએ છીએ.