રાજકોટમાં વિવિધ સ્થળોએ 25 સ્માર્ટ પાર્કિંગ ઉભા કરવામાં આવશે

રાજકોટમાં મનપા (Rajkot Municipal Corporation) દ્વારા સ્માર્ટ સીટી અંતર્ગત શહેરના વિવિધ વિસ્તારમાં 25 જેટલા સ્માર્ટ પાર્કિંગ (Rajkot Smart City Smart Parking)બનાવવામાં આવશે, તેમાં એપ દ્વારા QR કોડ સ્કેન વડે પેમેન્ટ કરી શકાશે, આ સ્માર્ટ પાર્કિંગમાં જે તે વાહનચાલકો ઘેરથી બેઠા બેઠા એપ્લિકેશનની મારફતે એડવાન્સ બુકીંગ પણ કરાવી શકશે. આ પાર્કિંગ સંપૂર્ણપણે ડીઝીટલ હશે.

• સ્માર્ટ પાર્કિંગમાં એપની મદદથી QR સ્કેન કોડ વડે પેમેન્ટ કરી શકાશે
• ઘેરથી બેઠા બેઠા એપ્લિકેશનની મારફતે એડવાન્સ બુકીંગ કરી શકાશે
• ઇલેક્ટ્રોનિક કાર ચાર્જ કરવા માટે ચાર ચાર્જિંગ પોઈન્ટસ રાખવામાં આવશે

રાજકોટઃરાજકોટમાં સ્માર્ટ સીટી પ્રોજેકટ અંતર્ગત શહેરના વિવિધ વિસ્તારમાં 25 જેટલા સ્માર્ટ પાર્કિંગ (Rajkot Smart City Smart Parking) ઉભા કરવામાં આવશે, જે માટે મનપા (Rajkot Municipal Corporation) દ્વારા કાર્યવાહી શરૂ કરવામાં આવી છે. આ સ્માર્ટ પાર્કિંગ સંપૂર્ણ ડીઝીટલ હશે, તેમાં QR સ્કેન કોડ વડે પેમેન્ટ (Payment by QR scan code) પણ કરી શકાશે, અને આ સાથે જ પાર્કિંગ સ્થળોએ LED સ્ક્રીન પણ મુકવામાં આવશે, જેમાં કાર અને વાહન પાર્કિંગ માટેના સ્લોટ પણ જોઈ શકાશે અને તે મુજબ પોતાનું વાહન પાર્ક કરી શકાશે. હાલ રાજકોટ મહાનગરપાલિકા દ્વારા શહેરના અલગ અલગ વિસ્તારમાં જ્યાં રોડ રસ્તાઓ પર દબાણ છે તેને દૂર કરવાની કામગીરી શરૂ કરવામાં આવી રહી છે, ત્યારબાદ નક્કી કરેલા સ્થળોએ સ્માર્ટ પાર્કિંગ બનાવામાં આવશે.

આ પણ વાંચો:રાજકોટ મનપા દ્વારા સોમવારથી વિવિધ પ્રાણીઉદ્યાન શરૂ કરાશે

પહેલા એક સ્માર્ટ પાર્કિગ બનાવામાં આવ્યું

રાજકોટ મનપા દ્વારા પ્રથમ શહેરના ઢેબર રોડ પર આવેલ નાગરિક બેન્ક નજીક એક સ્માર્ટ પાર્કિંગ બનાવામાં આવ્યું છે. આ સ્માર્ટ પાર્કિંગની મનપા કમિશ્નર સહિતના અધિકારીઓ દ્વારા મુલાકાત લેવામાં આવી હતી અને નિરીક્ષણ કરવામાં આવ્યું હતું. આ પ્રોજેકટ સફળ થતા હવે શહેરના અલગ અલગ વિસ્તારમાં કુલ 25 જેટલા સ્માર્ટ પાર્કિગ ઉભા કરવાનો નિર્ણય લેવામાં આવ્યો છે. જેને લઈને શહેરમાં કામગીરી શરૂ કરવામાં આવી છે. હાલ મનપા દ્વારા પહેલા જાહેર રસ્તાઓ પરના દબાણો દૂર કરવામાં આવી રહ્યા છે અને ત્યારબાદ અહીં સ્માર્ટ પાર્કિંગ બનાવવાની કામગીરી કરવામાં આવશે.

અગાઉ હતો તે મુજબનો જ રહેશે ચાર્જ: કમિશ્નર

સ્માર્ટ પાર્કિંગ મામલે મનપા કમિશ્નર અમિત આરોરાએ (Manpa Commissioner Amit Arora) જણાવ્યું હતું કે, રાજકોટ સ્માર્ટ સીટી અંતર્ગત સ્માર્ટ પાર્કિંગ બનવા માટેની પ્રક્રિયા હાથ ધરવામાં આવી હતી, જેને લઈને શહેરના 25 જગ્યાએ આવા સ્માર્ટ પાર્કિગ ઉભા કરવામાં આવશે. આ સ્માર્ટ પાર્કિંગમાં એપની મદદથી QR કોડ સ્કેન કરીને ઓનલાઈન પેમેન્ટ કરી શકાશે, જ્યારે એપ પર અને LED સ્ક્રીન પર પાર્કિંગમાં જગ્યા ખાલી છે કે નહીં તે પણ જાણી શકાશે, આ સાથે જ ઇલેક્ટ્રોનિક કાર ચાર્જ કરી શકાય તેના માટે ચાર ચાર્જિંગ પોઈન્ટસ પણ રાખવામાં આવશે એટલે કે આ સંપૂર્ણ ડીઝીટલ સ્માર્ટ પાર્કિંગ રહેશે.

આ પણ વાંચો:વિશ્વ સાઇકલ દિવસ: રાજકોટ મનપા નવી સાઇકલ ખરીદનારને 1,000 રૂપિયાની આપશે સબસીડી

પાર્કિંગમાં એડવાન્સ બુકીંગ પણ કરાવી શકાશે

સ્માર્ટ પાર્કિંગમાં જે તે વાહનચાલકો ઘેરથી બેઠા બેઠા એપ્લિકેશન મારફતે એડવાન્સ બુકીંગ (Advance booking through application) પણ કરાવી શકશે. આ સાથે જ જો કોઈપણ વાહન ચાલક પાર્કિંગ પર જશે તો તેઓએ પોતાના વાહનમાંથી ઉતર્યા વગર જ પાર્કિંગ માટેની સ્લીપ મશીન વડે કલેક્ટ કરી શકશે, અને તેની એન્ટ્રી ઓટોમેટીક થશે. તે જ્યારે પાર્કિંગ માંથી બહાર નીકળશે ત્યારે QR કોડથી એપ્લિકેશન વડે ઓટોમેટિક તેના વોલેટમાંથી પેમેન્ટ થઈ જશે. જો તેને કાર્ડથી અથવા રોકડ રૂપિયાથી પેમેન્ટ કરવું હોય તો તે પણ વાહન ચાલક કરી શકશે.