જૂનાગઢના વ્હાઈટ હાઉસ એપાર્ટમેન્ટમાં ટીટા પરિવારે કૃષ્ણ જન્મોત્સવ ઉજવ્યો

કોરોના વાઈરસની મહામારીના પગલે આ વર્ષે કૃષ્ણ જન્મોત્સવ જૂનાગઢ શહેરમાં વ્યક્તિગત રીતે ઉજવવામાં આવ્યો હતો. જેમાં શહેરના વ્હાઈટ હાઉસ એપાર્ટમેન્ટમાં ટીટા પરિવારે કૃષ્ણ જન્મોત્સવ ઉજવ્યો હતો.

જૂનાગઢઃ કોરોના વાઈરસની મહામારીના પગલે આ વર્ષે કૃષ્ણ જન્મોત્સવની ઉજવણી વ્યક્તિગત રીતે કરવામાં આવી હતી. જેમાં જૂનાગઢ શહેરમાં આવેલા વ્હાઈટ હાઉસ એપાર્ટમેન્ટમાં ટીટા પરિવારે પોતાના ઘરમાં સામૂહિક રીતે કૃષ્ણ જન્મોત્સવના કાર્યક્રમનું આયોજન કર્યું હતું. ભગવાન શ્રીકૃષ્ણના જન્મોત્સવને ધાર્મિક આસ્થા સાથે ઉજવ્યો હતો.

ભગવાન શ્રીકૃષ્ણને ચોકલેટ કેક અને પંજરીનો ખાસ રાજભોગ અને નૈવેધ ધરયા

ભગવાન શ્રીકૃષ્ણને ચોકલેટ કેક અને પંજરીનો ખાસ રાજભોગ અને નૈવેદ્ય ધરવામાં આવ્યા હતા. કોરોનાનું સંક્રમણ ભગવાન શ્રીકૃષ્ણથી દૂર રહે તે માટે તેમને પણ માસ્ક પહેરવામાં આવ્યું હતું. કાળીયા ઠાકર સમક્ષ સમગ્ર વિશ્વને કોરોના જેવી મહામારીમાંથી અપાવે તે માટેની વિશેષ આરતી કરીને તમામ કૃષ્ણપ્રેમીઓ ઝુમી ઉઠયા હતા.