- પ્રદેશ ભાજપ પ્રમુખ સી આર પાટીલ આજે જૂનાગઢની મુલાકાતે
- પ્રત્યેક કાર્યકરને એક રૂપિયાનું અનુદાન આપીને નવનિર્મિત કાર્યાલયમાં યોગદાન આપવા કરી અપીલ
- આગામી વિધાનસભાની સામાન્ય ચૂંટણીઓ તેના સમયપત્રક મુજબ થશે
જૂનાગઢઃ પ્રદેશ ભાજપ પ્રમુખ સી.આર.પાટીલ આજે જૂનાગઢની મુલાકાતે (C R Patil in Junagadh) હતાં. શહેર ભાજપના નવા બનવા જઈ રહેલા કાર્યાલયના (Junagadh city BJP office) ભૂમિપૂજન વિધિમાં પાટીલે હાજરી આપ્યાં બાદ યમુના વાડીમાં આયોજિત જાહેર સભામાં પાટીલે પક્ષના કાર્યકરોને નવા બનનારા શહેર ભાજપ કાર્યાલયમાં એક રૂપિયાનું અનુદાન આપીને કાર્યાલયમાં પોતાની ભાગીદારી નોંધાવવા અનુરોધ કર્યો હતો. પૂર્વ પર્યટનપ્રધાન જવાહર ચાવડાને પણ ટકોર કરી હતી કે તેમનાથી બનતી તમામ મદદ કરીને પક્ષના કાર્યાલયમાં મદદરૂપ થાય.
આગામી વિધાનસભાની સામાન્ય ચૂંટણીઓ સમયસર યોજાશે
જૂનાગઢ આવેલા પ્રદેશ ભાજપ પ્રમુખે (C R Patil in Junagadh) આગામી વિધાનસભાની ચૂંટણીને (Assembly Elections 2022) લઈને પણ નિવેદન આપ્યું હતું. સી આર પાટીલે જણાવ્યું હતું કે આગામી વિધાનસભાની સામાન્ય ચૂંટણી તેના નિર્ધારિત સમય મુજબ જ થશે. વધુમાં પાટીલે ભાજપના પ્રત્યેક કાર્યકરોને આગામી વિધાનસભાની સામાન્ય ચૂંટણીઓને લઇને પક્ષના કામમાં લાગી જવાની હાકલ કરી હતી. ગાંધીનગર મહાનગરપાલિકામાં ભાજપનો વિજય થયો છે તેની સાથે જિલ્લા અને તાલુકા પંચાયતોમાં પણ ભાજપનો જયજયકાર થયો છે. આ તમામ વિજયનો શ્રેય પક્ષના કાર્યકરોને પાટીલે આપ્યો હતો. આજ પ્રકારનો વિજય આગામી વિધાનસભાની ચૂંટણીઓમાં પક્ષનો થવો જોઈએ તેના માટે અત્યારથી જ કામે લાગી જવા પાટીલે સૌ કાર્યકરોને હાકલ કરી હતી.
કાર્યકરોને નવા કાર્યાલય નિર્માણમાં 1 રુપિયાનું અનુદાન આપવા અપીલ કરી આ પણ વાંચોઃ CR Patil Visits Junagadh: ગરબામાં 400ની પણ BJP કાર્યક્રમોમાં અમર્યાદિત સંખ્યાને લઈને ખેલૈયાઓમાં ભારે રોષ
આ પણ વાંચોઃ પેટ્રોલ-ડીઝલના વધતા જતા ભાવને લઈને રાજ્ય કક્ષાના પેટ્રોકેમિકલ્સ વિભાગના પ્રધાને શું કહ્યું જાણો...
