આત્મનિર્ભર ભારતની થઇ રહી છે હોળી: દિવાળીના તહેવારોમાં ચાઇનાની વસ્તુઓની બજારમાં બોલબાલા...

દિવાળીના તહેવારો(Diwali festival) પર 'મેક ઇન ઇન્ડિયા'('Make in India') કે 'આત્મનિર્ભર ભારત'('Self-reliant India') પર આજે પણ ચાઇના થી આયાત કરાયેલી ચીજવસ્તુઓનું વેચાણ(Sales of goods imported from China) થઇ રહ્યું છે. દિવાળીના સમયની અંદર જૂનાગઢની બજારમાં ચાઇનાથી આયાત કરેલ વિવિધ ચીજવસ્તુઓ માર્કેટમાં અત્યારે ખુલ્લેઆમ વેચાઇ રહી છે.

• દિવાળીના તહેવારોમાં ચાઇના માંથી આયાત કરેલી ચીજ વસ્તુઓની બોલબાલા
• વર્ષોથી ચાઇનામાં ઉત્પાદિત ચીજવસ્તુઓની માંગ જૂનાગઢમાં જોવા મળતી હોય છે
• દિવાળીના તહેવારો દરમિયાન લોકો પ્રથમ પસંદગી હજી પણ ચાઇના વસ્તુંઓની

જૂનાગઢ : દિવાળીના તહેવાર(Diwali festival) દરમિયાન ઘરમાં ઉજાસ થી લઈને સુશોભન માટેની અનેક વેરાયટીની ચિજ વસ્તુંઓનું જૂનાગઢમાં વેચાણ થતું હોય છે. છેલ્લા કેટલાક વર્ષોથી દિવાળીના દિવસો દરમિયાન ચાઇના માંથી આયાત કરેલી ચીજવસ્તુઓ બજારમાં વેપારીઓ તેનું વેચાણ કરીને રોજગારી મેળવી રહ્યા છે. પાછલા બે વર્ષથી કરોના સંક્રમણને કારણે ચાઇનાથી આયાત થયેલી ચીજ વસ્તુઓની માંગ ઘટવા લાગી છે. પરંતુ આ વર્ષે ફરી એક વખત ચાઇનાથી આયાત થયેલી ચીજવસ્તુઓની બોલબાલા જૂનાગઢમાં જોવા મળી રહી છે

ચાઇનાની વસ્તુંઓનું ધોમ વેચાણ

દિવાળીના તહેવારોમાં(Diwali festival) પ્રત્યેક ઘરમાં સુશોભન થી લઈને દીવડા જેવી અન્ય ચીજવસ્તુઓ પ્રત્યેક ઘરમાં જોવા મળતી હોય છે. ત્યારે કોરોના કાળમાં આત્મનિર્ભર ભારત('Self-reliant India') યોજના અંતર્ગત ભારતમાં જ બનેલી ચીજોનો ઉપયોગ કરવો તેને લઈને અભિયાન ચલાવવામાં આવ્યું હતું. આ અભિયાનની વચ્ચે દિવાળીના તહેવારોમાં ચાઇના દ્વારા નિર્મિત અને ત્યાંથી આયાત કરેલી ચીજ વસ્તુઓ આત્મનિર્ભર ભારત અભિયાનને ઠેસ પહોંચાડી રહી છે.

ખૂબ ઓછા રૂપિયામાં ગ્રાહકોને મળે છે વસ્તુઓ

જૂનાગઢમાં ચાઇના દ્વારા ઉત્પાદિત અને આયાત કરેલી ચીજોના વેચાણને લઈને છૂટક વેપારીએ જણાવ્યું હતું કે, ચાઇના માં ઉત્પાદિત થયેલી વસ્તુંઓ ખૂબ જ આકર્ષિત હોય છે અને સાથે સાથે તે ખૂબ ઓછા રૂપિયામાં ગ્રાહકોને મળતી હોય છે. આવી પરિસ્થિતિમાં કોઈપણ ચીજોનું આકર્ષિત હોવું અને તેના બજારભાવ અન્ય ચીજોની સરખામણીએ ત્રણ થી ચાર ગણા નીચા હોવાને કારણે ચાઇના દ્વારા ઉત્પાદિત ચીજોની માંગ આજે પણ જૂનાગઢની બજારમાં જોવા મળે છે. બીજી તરફ ભારતમાં જ ઉત્પાદિત ચીજ વસ્તુઓ ચાઈનાની સરખામણીએ ઓછી આકર્ષિત અને તેના બજાર ભાવને લઇને ખૂબ મોંઘી હોય છે આવી પરિસ્થિતિમાં દિવાળીના તહેવારો દરમિયાન લોકો પ્રથમ પસંદગી આકર્ષિત અને ઓછા રૂપિયામાં મળતી ચાઇનાની ચીજ વસ્તુઓની ખરીદી કરી રહ્યા છે.

આ પણ વાંચો :યુવાનોમાં વધી રહી છે ડ્રગ્સની લત- જાણો કેટલાક ચોંકાવનારા કિસ્સાઓ

આ પણ વાંચો : રજવાડામાં વહેંચાયેલા ભારતને એક કરનાર લોખંડી પુરૂષ સરદાર, જાણો તેમના વિશે....