જૂનાગઢ : ચોમાસાની શરૂઆતથી મેઘરાજા અનરાધાર વરસતા અને ઉપરવાસમાં પણ ભારે વરસાદના કારણે ઘેડ પંથકમાં એક દશકાથી વધુ વર્ષનો રેકોર્ડ તોડી નાખતા ઘેડ પંથકમાં દરીયા જેવો માહોલ સર્જાયો છે. ખેતરોમાં પણ પાણી ભરાઇ ગયેલા જોવા મળે છે. તેમજ મગફળી તો નિષ્ફળ જશે તેની સાથે પશુઓ માટે ઘાસચારો પણ છીનવાઈ ગયો છે. છેલ્લાં એક મહિનાથી સતત ઘેડ પંથકના ખેતરોમાં પાણી ભરાયેલા છે. ત્યારે વારંવાર ઘેડ પંથક પુરગ્રસ્ત બનતા છેવટે પોરબંદરના સાંસદે કેશોદના ધારાસભ્યની સાથે રહીને ઘેડ પંથકની મુલાકાત લીધી હતી. ત્યારે સભામાં માસ્ક વગરના ભાજપના કાર્યકરો જોવા મળ્યા હતા અને સોશિયલ ડિસ્ટન્સના પણ ધજાગરા ઉડતા જોવા મળ્યા હતા.
પોરબંદર સાંસદ રમેશભાઇ ધડુક ઘેડ પંથકની મુલાકાતે આવતા સોશ્યિલ ડિસ્ટન્સના ધજાગરા ઉડયા