છેલ્લા એક વર્ષથી ટૂર્સ એન્ડ ટ્રાવેલ્સ ઉદ્યોગને કોરોના સંક્રમણને કારણે થઇ રહ્યું છે નુકસાન

કોરોના સંક્રમણ કાળમાં ટૂર એન્ડ ટ્રાવેલ્સ ઓપરેટરો ચિંતામા જોવા મળી રહ્યા છે. પાછલા એક વર્ષ કરતાં વધુ સમયથી ટૂર અને ટ્રાવેલ્સ સંચાલકોનો ઉદ્યોગ મૃતપ્રાય અવસ્થામાં જોવા મળી રહ્યો છે. આવી પરિસ્થિતિમાં હવે ટૂર્સ એન્ડ ટ્રાવેલ્સ ઓપરેટરોએ ગુજરાત સહિત રાજ્ય બહારનું સંચાલન બંધ કરવાની ફરજ પડી રહી છે. જેને કારણે ટ્રાવેલ્સ ઉદ્યોગકારો ખૂબ મોટા આર્થિક સંકટમાં ફસાયેલા જોવા મળી રહ્યા છે અને રાજ્ય તેમજ કેન્દ્ર સરકાર સમક્ષ ટૂર્સ એન્ડ ટ્રાવેલ્સ ઓપરેટરોને કોઈ આર્થિક પેકેજ આપે તેવી માગ પણ કરી રહ્યા છે.

• કોરોના સંક્રમણને કારણે ટૂર્સ એન્ડ ટ્રાવેલ્સ ઓપરેટરો મૂકાયા ચિંતામાં
• કોરોના સંક્રમણની અનેક વ્યાપર-ધંધાઓ પર થઇ અસર
• રાજ્ય સરકાર ટૂર ઓપરેટરોને રાહત પેકેજ આપે તેવી કરાઈ માગ
• ટ્રાવેલ્સની ધંધાર્થીઓ આર્થિક સંકટમાં

જૂનાગઢઃકોરોના સંક્રમણને કારણે ટૂર્સ અને ટ્રાવેલ્સ સંચાલકો મોટી ચિંતામાં મૂકાઈ ગયા છે. પાછલા એક વર્ષ કરતા વધુ સમયથી ટૂર્સ અને ટ્રાવેલ્સ ઉદ્યોગ મરણ પથારી પર જોવા મળી રહ્યો છે. પહેલા તબક્કાના કોરોના સંક્રમણને કારણે ટૂર્સ અને ટ્રાવેલ્સ ઉદ્યોગ મંદ ગતિએ જોવા મળતો હતો. બીજા તબક્કાનું કોરોના સંક્રમણ ટૂર્સ અને ટ્રાવેલ્સ ઉદ્યોગને જાણે કે મરણ પથારી સુધી ખેચી ગયો હોય તેવું ટૂર્સ અને ટ્રાવેલ્સ સંચાલકો માની રહ્યા છે. પાછલા 14 મહિનાથી ટૂરિસ્ટની ગતિવિધિઓ કોરોના સંક્રમણને કારણે સદંતર બંધ થઈ ગયેલી જોવા મળી રહી છે. જેની ખૂબ મોટી નુકસાની આ ઉદ્યોગ સાથે સંકળાયેલા ઉદ્યોગકારોને પડી રહી છે. જેને કારણે ટૂર્સ અને ટ્રાવેલ્સ સંચાલકો રાજ્ય અને કેન્દ્ર સરકાર સમક્ષ કોઈ આર્થિક પેકેજ આપવામાં આવે તેવી માગ પણ કરી રહ્યા છે.

આ પણ વાંચોઃ ગુજરાતમાં કોરોના વાઇરસની મહામારીને કારણે ટ્રાવેલ્સના ધંધામાં કરોડોનું નુકસાન

40 ટ્રીપો જૂનાગઢમાંથી પ્રતિદિન ચાલતી હતી

પાછલા 12 મહિનાથી ટૂર્સ અને ટ્રાવેલ્સનું સંચાલન દિવસેને દિવસે સતત ઘટી રહ્યું છે. એક સમયે જૂનાગઢમાંથી પ્રતિદિન 40 જેટલી ટ્રીપો એક ખાનગી ટૂર્સ અને ટ્રાવેલ્સ ઓપરેટરો દ્વારા ચલાવવામાં આવતી હતી. જે આજે બુધવારે ઘટીને માત્ર ચાર થઈ છે. સૌથી મોટો ઘટાડો ટૂર્સ અને ટ્રાવેલ્સ ઓપરેટરોને સતાવી રહ્યો છે. પહેલા તબક્કાના લોકડાઉનમાં રાજ્ય સરકારે ટૂર ઓપરેટરોના કેટલાક ટેક્સ માફ કર્યા હતા પરંતુ બીજા તબક્કામાં આ પ્રકારની કર માફી હજુ સુધી જોવા મળી નથી તેવુ ટૂર અને ટ્રાવેલ્સ સંચાલકો જણાવી રહ્યા છે,

પાછલા એક મહિનાથી ટૂર્સ અને ટ્રાવેલ્સ ગતિવિધિ સદંતર બંધ

પ્રત્યેક બસનું સંચાલન કરવા માટે પ્રતિ મહિને રાજ્ય સરકારને અલગ-અલગ ટેક્સના રૂપમાં 30 હજારથી લઈને 40 હજાર રૂપિયા સુધીની ચૂકવણી કરવામાં આવી રહી છે. પાછલા એક મહિનાથી ટૂર્સ અને ટ્રાવેલ્સ ગતિવિધિ સદંતર બંધ જોવા મળી રહી છે. સરકાર દ્વારા લેવામાં આવતો ટેક્સ આજે પણ ચાલી રહ્યો છે જેને કારણે ટ્રાવેલ્સ સંચાલકો પોતાના ઉદ્યોગને બચાવવા માટે સરકાર તરફ રાહત પેકેજની મીટ માંડી રહ્યા છે.

આ પણ વાંચોઃ લગ્ન કેન્સલ થતાં ઇવેન્ટ મેનેજમેન્ટ ઇન્ડસ્ટ્રીને 200 કરોડ રૂપિયાથી પણ વધુનું નુકસાન

ટ્રાવેલ્સ ઉદ્યોગ બંધ થતાં પ્રવાસીઓની સંખ્યા સદંતર બંધ થઈ જેને કારણે ગાઈડ પણ મુકાયા મુશ્કેલીમાં

ટૂર્સ અને ટ્રાવેલ્સ ઓપરેટરોની ગતિવિધિ સદંતર બંધ થતાં જૂનાગઢ સહિત આસપાસના વિસ્તારોમાં રાજ્ય અને રાજ્ય બહારથી આવતા પર્યટકોની સંખ્યા ઓછી જોવા મળી રહી છે. જો વાત જૂનાગઢના ગાઇડની કરીએ તો જૂનાગઢમાં આવેલા પર્યટન સ્થળોમાં અંદાજીત 100 જેટલા ગાઈડ કામ કરી રહ્યા છે. પાછલા એક વર્ષથી પ્રવાસન ગતિવિધિ બંધ હોવાથી જૂનાગઢમાં રહીને ગાઈડનું કામ કરતા તેમજ સ્વરોજગારી મેળવતા લોકો પણ હવે બેરોજગાર બની રહ્યા છે. આવી પરિસ્થિતિમાં કેટલાક ગાઈડ પર્યટન સ્થળોમાં ચાલી રહેલા રીનોવેશન કામમાં કડિયા કામની મજૂરી પણ કરીને પોતાના પરિવારનું જીવન નિર્વાહના કરી રહ્યા છે