જૂનાગઢમાં સમી સાંજે અચાનક વાતાવરણમાં પલટા સાથે પડ્યો ભારે વરસાદ

જૂનાગઢ શહેરમાં શનિવારે સાંજે 5:00 કલાકે વાતાવરણમાં અચાનક પલટો આવતાં ધોધમાર વરસાદ તૂટી પડ્યો હતો. ચૈત્ર મહિનામાં જે પ્રકારે વરસાદ પડી રહ્યો હતો તે જોતા એવું લાગી રહ્યું હતું કે ચૈત્ર મહિનામાં વૈશાખી માહોલ સર્જાઈ રહ્યો છે. વરસાદ પડવાને કારણે લોકોમાં પણ હવે ચિંતા જોવા મળી રહી છે.

• જૂનાગઢમાં અચાનક ધોધમાર વરસાદનું આગમન
• ભારે પવન સાથે વરસાદ તૂટી પડતાં હોર્ડિંગ્સ થયું ધરાસાઈ
• કમોસમી વરસાદથી લોકો થયા ચિંતાગ્રસ્ત

જૂનાગઢ: શનિવારે સમી સાંજના સમયે 5:00 કલાકે જૂનાગઢ શહેરના વાતાવરણમાં અચાનક પલટો આવ્યો હતો અને શહેરમાં પવન સાથે ધોધમાર વરસાદ તૂટી પડ્યો હતો. કમોસમી વરસાદને કારણે શહેરના માર્ગો પરથી પાણી વહેતા થયા હતા. ચૈત્ર મહિનામાં જાણે કે વૈશાખી માહોલ હોય તે પ્રકારે પવન સાથે વરસાદ વરસાદ તૂટી પડ્યો હતો. પવન સાથે અચાનક ધોધમાર વરસાદ તુટી પડતા લોકોમાં પણ હવે ભારે ચિંતા જોવા મળી રહી છે.

આ પણ વાંચો : નવસારીમાં કમોસમી વરસાદથી ખેડૂતોની ચિંતા વધી, પાકોમાં ભારે નુકસાનની ભિતિ

ભારે પવનને કારણે જુનાગઢ સોમનાથ માર્ગ પર હોર્ડિંગ્સ થયું ધરાસાઈ

અચાનક ભારે પવન સાથે વરસાદ તૂટી પડયો હતો તેની સાથે જુનાગઢ સોમનાથ માર્ગ પર સ્વામિનારાયણ મંદિર નજીક ઉભું કરવામાં આવેલું મહાકાય હોર્ડિંગ્સ ધરાશાયી થયું હતું સદ્ નસીબે કોઇ જાનહાની થવા પામી ન હતી પરંતુ અચાનક પડેલા વરસાદે હોર્ડિંગ્સ ને ધરાશાયી કરી દેતા આગામી ચોમાસામાં આવા મહાકાય હોર્ડિંગ્સ કોઈ મોટી દુર્ઘટનાને અંજામ આપી શકે છે કોર્પોરેશનના કર્મચારીઓએ 30 મિનિટ કરતાં વધુની ભારે જહેમત બાદ ધરાતાં થયેલા હોર્ડિંગ્સને માર્ગ પરથી દૂર કરીને વાહન વ્યવહાર પૂર્વવત કરાયો હતો.