ગીરમાંથી મળી રહ્યાં છે સારા સમાચાર, પાછલાં 5 વર્ષમાં સિંહોની સંખ્યા 151ના વધારા સાથે 674 પર પહોંચી
કોરોના વાઇરસને કારણે દર 5 વર્ષે થતી ગીરના સિંહોની વસતી ગણતરી આ વર્ષે મોકૂફ રાખવામાં આવી હતી. તેની જગ્યાએ પૂનમના દિવસે વનવિભાગના ઉચ્ચ અધિકારીઓની હાજરીમાં સિંહોનું અવલોકન કરવામાં આવ્યું હતું. જેમાં વર્ષ 2015 માં જોવા મળેલા 523 સિંહોની સામે આ વર્ષે સિંહોની સંખ્યા 674 જોવા મળી છે જે ગત વર્ષ કરતા 151 જેટલો વધારો સામે આવ્યો છે.
ગીરમાંથી મળી રહ્યાં છે સારા સમાચાર, પાછલાં 5 વર્ષમાં સિંહોની સંખ્યા 151ના વધારા સાથે 674 પર પહોંચી
જૂનાગઢઃ કોરોના વાઇરસને કારણે દર 5 વર્ષે કરવામાં આવતી સિંહોની વસતી ગણતરી આ વર્ષે રદ કરવામાં આવી હતી. તેની જગ્યાએ પૂનમે રાત્રિના સમયે વનવિભાગના ઉચ્ચ અધિકારીઓની હાજરીમાં ગીરના જંગલોમાં વિહરતાં સિંહોનું અવલોકન હાથ ધરવામાં આવ્યું હતું. જેમાં સિંહોની સંખ્યામાં ખૂબ મોટો કહી શકાય તેવો 151 જેટલો વધારો થયો હોવાનું વનવિભાગના અધિકારીઓ જણાવી રહ્યાં છે. ગીરના જંગલોમાં દર 5 વર્ષે સિંહોની વસ્તી ગણતરી કરવામાં આવતી હોય છે પરંતુ કોરોના વાઇરસને કારણે આ વર્ષે વસતી ગણતરી મોકૂફ રાખીને માત્ર સિંહોનું અવલોકન હાથ ધરવામાં આવ્યું હતું. આ અવલોકનમાં પુખ્ત વયના 161 સિંહ 260 સિંહણ, પાઠડાઓમા 45 સિંહ અને 49 સિંહણ અને ઓળખ બાકી હોય તેવા 22 સિંહો જોવા મળ્યાં છે તેમ જ 137 જેટલા બચ્ચાંઓ મળીને 674 જેટલા સિંહો જોવા મળ્યાં હતાં.
ગીરમાંથી મળી રહ્યાં છે સારા સમાચાર, પાછલાં 5 વર્ષમાં સિંહોની સંખ્યા 151ના વધારા સાથે 674 પર પહોંચી