વિદ્યાર્થીઓના હિતમાં કરાયો નિર્ણય: વિદ્યાર્થીનીઓને વિનામૂલ્યે શાળા સંકુલથી ઘર સુધી પહોંચતી કરાઈ

જૂનાગઢમાં આવેલા હરિભાઈ ગોધાણી શૈક્ષણિક સંકુલ દ્વારા જૂનાગઢ જિલ્લાના ઇતિહાસમાં પ્રથમ વખત વિદ્યાર્થીઓના હિતમાં નિર્ણય (Decision made in the favor of the students) કર્યો છે, કોરોના સંક્રમણ કાળમાં કોઈ પણ પ્રકારનો ખતરો ન જોવા મળે તેમજ પ્રત્યેક વિદ્યાર્થીનીઓના વાલીઓને પોતાની દીકરીને લેવા માટે જૂનાગઢ સૂધી ના આવવું પડે તેને ધ્યાને રાખીને કેમ્પસ દ્વારા વિદ્યાર્થીનીઓને તેમના ઘર સુધી વિનામૂલ્યે પહોંચતી કરીને જૂનાગઢ જિલ્લાના શિક્ષણ જગતમાં પ્રથમ પહેલ કરી છે, જે ખરેખર આવકારદાયક પણ છે.

• જૂનાગઢ જિલ્લાના ઇતિહાસમાં પ્રથમ વખત
• વિદ્યાર્થીનીઓને વિનામૂલ્યે ઘરે પહોંચાડવાનો અનોખો પ્રયાસ
• કોરોના કાળમાં પણ વિદ્યાર્થીનીઓ સીધા શાળાએથી તેમના ઘરે પહોંચે તેવી વ્યવસ્થા
• સુરતથી લઈ સાવરકુંડલા સુધી ૧૭ રૂટમાં ૧૩ એસટી બસોનું આયોજન

જૂનાગઢ: જૂનાગઢ જિલ્લા (junagadh district)ના ઇતિહાસમાં પ્રથમ વખત સંસ્થામાં રહીને અભ્યાસ કરતી 1000 કરતાં વધુ વિદ્યાર્થીનીઓને તેમના ઘર સુધી વિનામૂલ્યે પહોંચતી કરીને શિક્ષણ જગતમાં પ્રથમ પહેલ કરી છે.

જુનાગઢથી સુરત, રાજકોટ, અમરેલી, જામનગર

હરિભાઇ પટેલ શૈક્ષણિક સંકુલમાં સમગ્ર સૌરાષ્ટ્રની સાથે સુરતની પણ ૩5 જેટલી વિદ્યાર્થિનીઓ અભ્યાસ કરી રહી છે, આ તમામ વિદ્યાર્થીઓને તેમના ઘર સુધી પહોંચતી કરવા માટે શાળા સંકુલ દ્વારા જુનાગઢથી સુરત, રાજકોટ, અમરેલી, જામનગર સહિત નાના તાલુકાઓમાં પણ એસ.ટી.બસ મૂકીને વિદ્યાર્થીનીઓને તેના ઘર સુધી પહોંચાડવાનું આયોજન થયું છે, 13 જેટલી એસટી બસોને રોકીને વિદ્યાર્થીનીઓને સુરક્ષિત અને કોરોના સંક્રમણના ડર વગર ઘરે પહોંચાડવાનું અભિયાન આ વર્ષથી શરૂ કર્યું છે.

વિદ્યાર્થીઓના હિતમાં કરાયો નિર્ણય: વિદ્યાર્થીનીઓને વિનામૂલ્યે શાળા સંકુલથી ઘર સુધી પહોંચતી કરાઈ

આ પણ વાંચો:કેશોદમાં ખાનગી શાળાની મહિલા શિક્ષિકા પર જાતિય દુષ્કર્મ

વિદ્યાર્થીનીઓના હિતમાં કરવામાં આવી પહેલ

સમગ્ર અભિયાનને લઈને કેમ્પસના વહીવટી અધિકારી સી.પી.રાણપરીયા etv ભારત સમક્ષ પોતાનો મત વ્યક્ત કરતા જણાવ્યું હતું કે કોરોના કાળમાં પ્રત્યેક વિદ્યાર્થીની સુરક્ષિત પોતાના ઘર સુધી પહોંચે તેમજ આવા કપરા સમયની અંદર વિદ્યાર્થીનીઓને લેવા માટે તેમના વાલીઓને આર્થિક અને શારીરિક તકલીફો ન ભોગવવી પડે તેને ખાસ ધ્યાને રાખીને આ વર્ષથી વિદ્યાર્થીનીઓને વિનામૂલ્યે શાળા કેમ્પસથી તેમના ઘર સુધી પહોંચતી કરવાના અભિયાનની શરૂઆત કરવામાં આવી છે.

આ પણ વાંચો:કોઈપણ શાળામાં પ્રવેશ મેળવવા માટે શાળા છોડ્યાનું પ્રમાણપત્ર ફરજિયાત - જૂનાગઢ જિલ્લા શિક્ષણ વિભાગની સ્પષ્ટતા