કેશોદ નદીમાં ડૂબેલા યુવાનનો મૃતદેહ મળ્યો...

જૂનાગઢઃ જિલ્લાના કેશોદના બામણાસા ગામમાં એક યુવાન નદીમાં તણાયો હતો. યુવાનને શોધવા રેસ્ક્યુ ટીમ દ્વારા શોધખોળ શરુ કરી હતી. જેમાં નિષ્ફળતા મળ્યા બાદ યુવાનનો મૃતદેહ નદીમાં તરતો જોવા મળતા બહાર કાઢી પૉસ્ટમોર્ટમ માટે ખસેડવામાં આવ્યો છે.

કેશોદ તાલુકાના બામણાસા ગામના યુવાનનો પગ લપસતા નદીમાં તણાયો હોવાની લોકોમાં ચર્ચા થઈ હતી. લોકોના ટોળા ઘટના સ્થળે ઉમટી પડ્યા હતા. આ બાબતની જાણ થતાં મામલતદાર ટીડીઓ રેસ્ક્યુ ટીમ સહિતનો સ્ટાફ ઘટના સ્થળે પહોંચી યુવાનની શોધખોળ હાથ ધરવામાં આવી હતી, પરંતુ યુવાનને શોધવામાં સફળતા મળી ન હતી. જોકે, બાદમાં યુવાનનો મૃદેહ નદીમાં તરતો જોવા મળતા બહાર કાઢી કેશોદની સિવિલ હોસ્પિટલમાં પોસ્ટમોર્ટમ માટે મોકલવામાં આવ્યો હતો.