જૂનાગઢ મનપા કચેરીમાં ચેરમેન માટે એલ્યુમિનિયમ પાર્ટીશનની નવી ચેમ્બર તૈયાર કરાઈ, એક કોર્પોરેટરે કર્યો વિરોધ

જૂનાગઢ મનપા ઓફિસમાં નવા ચેરમેનને બેસવા માટે એક રૂમની અંદર એલ્યુમિનિયમ પાર્ટીશન લગાવીને અલગ ચેમ્બરો બનાવવામાં આવી છે, જેને લઇને વોર્ડ નંબર 4 ના મહિલા કોર્પોરેટરે વિરોધ દર્શાવ્યો છે. જૂનાગઢ મનપાનું શનિવારના રોજ જનરલ બોર્ડ પણ મળવા જઈ રહ્યું છે, જેમાં આ પશ્ન ઉઠાવવાની કોર્પોરેટરે વાત કરી છે.

• જૂનાગઢ મ્યુનિસિપલ કોર્પોરેશનમાં ચેરમેનોની નવી ચેમ્બર સામે મહિલા કોર્પોરેટરે ઉઠાવ્યો વિરોધ
• મનપાના ચેરમેનો માટે એલ્યુમિનિયમ પાર્ટીશનની ચેમ્બરનો કોર્પોરેટરે કર્યો વિરોધ
• જનરલ બોર્ડમાં આ મુદ્દો ઉઠાવવાની કરી વાત

જૂનાગઢઃ મનપામાં ચેરમેનો માટે એક રૂમની અંદર એલ્યુમિનિયમ પાર્ટીશન લગાવીને એક જગ્યા પર તમામ ચેરમેન બેસે તે માટેની ઓફિસો તૈયાર કરવામાં આવી છે. જેનો વિરોધ મનપાના એક કોર્પોરેટર કરી રહ્યા છે, તેમનું કહેવું છે કે, કોરોના સંક્રમણ કાળમાં આ પ્રકારનો ખર્ચો કરવો અયોગ્ય છે.

જૂનાગઢ મનપા કચેરીમાં ચેરમેન માટે એલ્યુમિનિયમ પાર્ટીશનની નવી ચેમ્બર તૈયાર કરાઈ

જનરલ બોર્ડમાં આ મુદ્દે પ્રશ્ન ઉઠાવવાની કોર્પોરેટરે કરી વાત

વધુમાં રાજય સરકારે પણ તમામ પ્રકારની વ્યવસ્થાઓ કરી છે તેમાં પણ કાપ મૂકીને ખર્ચ ઘટાડવાની વાત કરી છે. એલ્યુમિનિયમ પાર્ટીશન લગાવવાનો વિરોધ કોર્પોરેટર કરી રહ્યા છે, જેનો શનિવારના રોજ મળનારી જનરલ બોર્ડમાં પણ પ્રશ્ન ઉપસ્થિત કરવાની કોર્પોરેટરે વાત કરી છે.

નરસિંહ મહેતા

આ પ્રકારની વ્યવસ્થાથી કોર્પોરેશનનો ખર્ચ ઘટે તેવી પણ શક્યતાઓ

એક રૂમની અંદર એલ્યુમિનિયમ પાર્ટીશન લગાવીને જે અલગ ઓફિસો ચેરમેનને આપવાની પ્રક્રિયા હાથ ધરાઈ રહી છે, તેમાં કોર્પોરેશનને પણ ફાયદો થઈ શકે તેમ છે એક રૂમની અંદર એક સાથે ત્રણથી ચાર ચેરમેન બેસી શકે તેવી વ્યવસ્થા કરવામાં આવી છે, જેને કારણે ઓફિસનું અલગ-અલગ વહીવટી ખર્ચની સાથે તેનો નિભાવ ખર્ચ પણ ઘટી શકે છે.

દેવાયત બોદર

શનિવારે મળશે જનરલ બોર્ડ

ત્યારે હવે શનિવારે જનરલ બોર્ડમાં આ મામલે મહિલા કોર્પોરેટર પ્રશ્ન ઉઠાવવા જઈ રહ્યા છે જેથી સમગ્ર મામલાને લઈને સત્તાપક્ષ જનરલ બોર્ડમાં જવાબ આપશે તેવું લાગી રહ્યુ છે.