Sexual harassment case: જામનગરમાં આપ નેતા ઈસુદાન ગઢવીએ યૌન શોષણ પીડિતાઓની મુલાકાત લીધી, કમિટી નહિ ફરિયાદ નોંધવા માંગ કરી

જામનગરમાં બહુચર્ચિત યૌન શોષણ કાંડ (Sexual harassment case)માં તાજેતરમાં આમ આદમી પાર્ટીમાં જોડાયેલા નેતા ઈસુદાન ગઢવીએ 19 જૂન શનિવારે પીડિતાઓની મૂલાકાત લીધી હતી. વહીવટી તંત્ર દ્વારા રચવામાં આવેલી કમિટી અંગે પ્રતિક્રિયા આપી ફરિયાદ નોંધવામાં આવે તેવી માંગ કરી છે.

• G.G હોસ્પિટલ Sexual harassment case
• આપ નેતા ઈસુદાન ગઢવીએ પીડિતાઓની લીધી મુલાકાત
• ઈસુદાન ગઢવીએ કમિટી નહીં પણ ફરિયાદ નોંધવાની કરી માંગ

જામનગરઃ શહેરની G.G હોસ્પિટલમાં થયેલી યૌન શોષણ(Sexual harassment case)ઘટના જે ખુબ જ ચર્ચાયો છે. આ યૌન શોષણ કાંડમાં 18 જૂન શુક્રવારે અમદાવાદની વિવિધ સંસ્થાઓની મહિલાઓએ મુલાકાત કરી હતી. ત્યારે 19 જૂન શનિવારે આમ આદમી પાર્ટીના નેતા ઈસુદાન ગઢવીએ પીડિતાઓની મુલાકાત લીધી હતી. જિલ્લા વહીવટી તંત્ર દ્વારા રચના કરવામાં આવેલી કમિટી મામલે પણ ઈસુદાન ગઢવીએ પ્રતિક્રિયા આપી છે. તેઓએ કહ્યુ પીડિતાઓને ન્યાય અપાવવા માટે કમિટી નહીં પણ ફરિયાદ નોંધવામાં આવે તેવી ઈસુદાન ગઢવી (Ishudan Gadhvi)એ માંગ કરી છે.

દીકરીઓને ન્યાય નહિ મળે તો આપની ટીમ કરશે ફરિયાદ

જામનગરની ગુરુ ગોવિંદ હોસ્પિટલ (G.G. Hospital Jamnagar) ખાતે મોટી સંખ્યામાં આમ આદમી પાર્ટીના કાર્યકર્તાઓ ઉમટ્યા હતા. ઈસુદાન ગઢવીએ ગુજરાતની દીકરીઓ પર થતા અત્યાચારનો વિરોધ કર્યો છે. હોસ્પિટલમાં 60 થી 70 જેટલી દીકરીઓનું યૌન શોષણ થયું છે. છતાં પણ હજુ સુધી એક પણ ફરિયાદ નોંધવામાં આવી નથી. વહીવટી તંત્ર દ્વારા માત્ર કમિટી રચી જવાબદારીથી બચવા માટેનું કામ કરવામાં આવ્યું હોવાનો આક્ષેપ ઈસુદાન ગઢવીએ કર્યો છે.

આ પણ વાંચોઃsexually harassment in gg hospital - ફરજ બજાવતી 60થી 70 યુવતી બની યૌન શોષણનો ભોગ, આરોગ્ય કર્મીએ કર્યો આક્ષેપ

ઈસુદાને કાયદો વ્યવસ્થા પર કર્યા સવાલ

જામનગરમાં કાયદો વ્યવસ્થાની સ્થિતિ કથળી છે અને મહિલાઓ પર અત્યાચારના દિનપ્રતિદિન કેસ વધી રહ્યા છે. દીકરીઓ સુરક્ષિત નથી. રાજ્ય સરકારે (Goverment Of Gujrat) સમગ્ર મામલે ભીનું સકેલવાનો પ્રયાસ કર્યો છે. યૌન શોષણ કરનારા આરોપીઓ ખુલ્લે આમ ફરી રહ્યા છે.

આ પણ વાંચોઃજામનગર જી.જી.હોસ્પિટલનો છેડતી મામલો કેબિનેટમાં ચર્ચાયો

મુખ્યપ્રધાન વિજય રુપાણીએ આ મુદ્દે કલેકટર સાથે ચર્ચા કરી

જામનગરના ચકચારી આ પ્રકરણમાં રાજ્યના મુખ્યપ્રધા (CM RUPANI)ને પણ કલેકટર સાથે ચર્ચા કર્યા બાદ કડક કાર્યવાહીના આદેશ આપ્યા હતાં. આ મામલે રાજ્ય સરકારના આદેશ બાદ વહીવટીતંત્ર પણ હરકતમાં આવી ગયું છે. જાતીય સતામણીનો ભોગ બનેલી કર્મચારીઓએ ડીન સમક્ષ નિવેદન આપ્યું હતું. આ નિવેદન બાદ ડીન દ્વારા આગળની તપાસ હાથ ધરવામાં આવી હતી. હાલ જામનગરની જી. જી.હોસ્પિટલનો મામલો ગાંધીનગર સુધી પહોંચી જતાં સનસનાટી મચી ગઇ છે.