તારક મહેતા ફેમ મૂનમુન દત્તાએ કરી જાતિગત ટિપ્પણી બાદ વાલ્મિકી સમાજમાં રોષ, જામનગર મામલતદારને આપ્યું આવેદનપત્ર

તારક મહેતા ફેમ મૂનમુન દત્તાએ સોશિયલ મીડિયામાં વલ્મિકી સમાજ વિરુદ્ધ જાતિગત ટિપ્પણી કરી હતી. જે કારણે વાલ્મિકી સમાજમાં રોષ ફેલાયો હતો. આ અંતર્ગત વાલ્મિકી સમાજે કલેક્ટર કચેરી ખાતે મામલતદારને આવેદનપત્ર આપ્યું હતું. જામનગર વાલ્મિકી સમાજે એટ્રોસીટી દાખલ કરવાની માગ કરી હતી.

• તારક મહેતા ફેમ મૂનમુન દત્તાની જાતિગત ટિપ્પણી બાદ વાલ્મિકી સમાજમાં રોષ
• વાલ્મિકી સમાજે કલેક્ટર કચેરી ખાતે મામલતદારને આપ્યું આવેદનપત્ર
• જામનગર વાલ્મિકી સમાજે એટ્રોસીટી દાખલ કરવાની કરી માગ

જામનગર : તારક મહેતાના ઉલ્ટા ચશ્માની અભિનેત્રી તરીકે રોલ ભજવતી બબીતા નામનું કેરેક્ટર નિભાવતી મુનમુન દતાએ અનુસુચિત જાતિમાં આવતા વાલ્મિીકી સમાજ વિરૂદ્ધ ગેરબંધારણીય શબ્દોનો ઉપયોગ કરીને સમગ્ર ભારતમાં વસતી વાલ્મીકી સમાજનું ઘોર અપમાન કર્યું છે. ગેરબંધારણીય શબ્દ પ્રયોગ કરી SC ST ACTના કાયદાનો ભંગ કર્યો છે. આ શબ્દ જાણીજોઈને પ્રયોગ કર્યો છે. જેથી તેની સામે અનુસુચિત જાતિ અત્યાચાર નિવારણ ધારાની કલમ સહિત નવા એમેડમેટ સુધારાણા અધિનિયમ 2015ની જોગવાઈઓ તથા IPCની વિવિધ કલમો તેમજ IT ACT SECTION 66, 153 (A), 205, IPCની કલમો દાખલ કરી FIR દાખલ કરવા રજૂઆત કરવામાં આવી છે.

આ પણ વાંચો -21મી સદીમાં શિક્ષકને લાગે છે આભડછેટ, વીડિયો વાયરલ

બબીતા સામે ફરિયાદ નોંધવા જામનગર વાલ્મિકી સમાજે કરી માગ

ઉલ્લેખનીય છે કે, તારક મહેતા બબીતાએ વાલ્મિકી સમાજની માફી પણ માગી લીધી છે. જો કે, જામનગર વાલ્મિકી સમાજ દ્વારા માગ કરવામાં આવી છે કે, અવારનવાર ફિલ્મ અભિનેતાઓ અને અભિનેત્રીઓ વાલ્મિકી સમાજ વિરુદ્ધ અભદ્ર ટિપ્પણી કરતા હોય છે, અને માફી માગીને છટકી જતા હોય છે. આ વખતે તેમની સામે કાયદેસરના પગલાં લેવામાં આવે તેવી માગ કરવામાં આવી છે.

તારક મહેતા ફેમ મૂનમુન દત્તાની જાતિગત ટિપ્પણી બાદ વાલ્મિકી સમાજમાં રોષ

આ પણ વાંચો -લીંબ ગામમાં દલિત સમાજની દીકરીની જાન પર પથ્થરમારાની ઘટનામાં 9 લોકોની ધરપકડ