જામનગરમાં ત્રણ દિવસના બંધના એલાનને પ્રથમ દિવસે મિશ્ર પ્રતિસાદ

જામનગરમાં દિન-પ્રતિદિન કોરોનાના કેસ વધી રહ્યા છે, સાથે સાથે મૃત્યુઆંક પણ વધી રહ્યો છે, ત્યારે જામનગરમાં ચેમ્બર ઓફ કોમર્સ અને વેપારી એસોસિએશન દ્વારા શહેરમાં ત્રણ દિવસના બંધનું એલાન કરવામાં આવ્યું છે. જેના આજે શુક્રવારે પ્રથમ દિવસે બંધના એલાનને મિશ્ર પ્રતિસાદ મળ્યો છે. શહેરમાં મોટા ભાગની દુકાનો ખુલ્લી જોવા મળી રહી છે.

• ચેમ્બર ઓફ કોમર્સ દ્વારા ત્રણ દિવસ સુધી બંધનું કરાયું હતુ એલાન
• શુક્રવારે પ્રથમ દિવસે બંધને મિશ્ર પ્રતિસાદ
• 5 હજાર દુકાનો બંધ રહેશે તેવી કરાઈ હતી જાહેરાત

જામનગરઃ રાજ્યમાં કોરોનાના કેસમાં સતત વધારો થઈ રહ્યો છે. જિલ્લામાં પણ કોરોનાના કેસ વધી રહ્યા છે. જેથી ચેમ્બર ઓફ કોમર્સ અને વેપારી એસોસિએશન દ્વારા બંધનું એલાન કરવામાં આવ્યું છે. આજે શુક્રવારથી રવિવાર સુધી એમ ત્રણ દિવસ સુધી બંધનું એલાન કરાયું હતું. જોકે, આજે શુક્રવારે પ્રથમ દિવસે બંધના એલાનને મિશ્ર પ્રતિસાદ મળ્યો છે. જામનગરમાં વિવિધ એસોસિએશન દ્વારા બંધનું એલાન કરવામાં આવ્યું હતું. શહેરમાં 5 હજાર દુકાનો બંધ રહેશે તેવી જાહેરાત કરવામાં આવી હતી. જોકે, મોટાભાગની દુકાનો ખુલ્લી જોવા મળી રહી હતી.

જામનગરમાં ત્રણ દિવસના બંધના એલાનને પ્રથમ દિવસે મિશ્ર પ્રતિસાદ

આ પણ વાંચોઃજામનગરના ઔદ્યોગિક વસાહતોમાં ત્રણ દિવસ સુધી સ્વૈચ્છિક લોકડાઉનનો કરાયો નિર્ણય

અમુક વેપારીઓએ શરૂ રાખી દુકાનો

શહેરમાં ગ્રીન માર્કેટ, સુપરમાર્કેટ, હવાઈ ચોક, ચાંદી બજાર બેડી ગેટ વગેરે વિસ્તારમાં કેટલાક વેપારીઓએ સ્વૈચ્છિક દુકાનો બંધ રાખી હતી તો કેટલાય વેપારીઓએ દુકાનો ખુલી પણ રાખી હતી. પ્રથમ દિવસે બંધના એલાનને મિશ્ર પ્રતિસાદ મળ્યો છે. કોરોના સંક્રમણ માટે વિવિધ વેપારી એસોસિએશન દ્વારા લેવામાં આવેલા નિર્ણયને મહદ અંશે સારો પ્રતિસાદ પણ મળ્યો છે.

આ પણ વાંચોઃ 1573 બેડ ધરાવતી જામનગરની સરકારી કોવિડ હોસ્પિટલ હાઉસફૂલ