જામનગર: વાડીનાર-મુન્દ્રા વચ્ચે રો-રો સર્વિસ થશે શરૂ

જામનગર અને દેવભુમી દ્વારકા જીલ્લાના ઉદ્યોગપતિઓ માટે સારા સમાચાર છે, આગામી દિવસોમાં વાડીનાર-મુન્દ્રા વચ્ચે રો-રો સર્વિસ શરુ થશે, જેના કારણે જામનગરના બ્રાસ ઉદ્યોગને મોટો ફાયદો થશે.

રો-રો સર્વિસનો લાભ સમગ્ર જામનગર જિલ્લાને થશે

જામનગરના બ્રાસ ઉદ્યોગને મોટો થશે ફાયદો

મહિનાના અંતમાં કે આવતા મહિનાના શરૂઆતમાં આ સેવા શરૂ થશે

જામનગર: દેવભુમી દ્વારકા જીલ્લાના ઉદ્યોગપતિઓ માટે સારા સમાચાર છે, આગામી દિવસોમાં વાડીનાર-મુન્દ્રા વચ્ચે રો-રો સર્વિસ (RO-RO service)શરુ થશે, જેના કારણે જામનગર(jamnagar)ના બ્રાસ ઉદ્યોગને મોટો ફાયદો થશે, અદાણી ગ્રુપ અને એક પ્રાઇવેટ ફેરી ઓપરેટર સાથે મળીને કાર્ગોવેસલનું સંચાલન કરાશે. જેથી માલ-સામાનની સરળતાથી હેર-ફેર થઇ શકશે, આ માટેની મોટાભાગની મંજૂરી મળી ગઇ છે અને 53 કીમીના સમુદ્ર રુટથી મોરબીના સીરામીક ઉદ્યોગને લાભ થશે, જામનગરના નેશનલ શીપીંગ બોર્ડના અને પુષ્પક લોજીસ્ટીકના રાહુલ મોદીના પ્રયાસથી હવે આ રો-રો સર્વિસ શરુ થશે, જેનો લાભ જામનગર (jamnagar)જીલ્લાને મળશે.

જામનગરના બ્રાસ ઉદ્યોગને થશે મોટો ફાયદો

મળતી માહિતી મુજબ અગાઉ પણ નેશનલ શીપીંગ બોર્ડના ચેરમેન તરીકે જામનગર(jamnagar)ના વિનુભાઇ શેઠ હતા, તેમણે પણ બંદરોને વિકસાવવા સારા એવા પ્રયત્નો કર્યા હતા, હવે રાહુલભાઇ મોદી દ્વારા આ કાર્ય સંભાળવામાં આવ્યું છે અને વાડીનારને ડેવલોપ કરવા માટે તેઓ વધુ પ્રયત્ન કરી રહ્યા છે.

અઠવાડિયામાં આ સર્વિસ શરૂ થઈ જાય તેવી શક્યતા છે

અદાણી ગ્રૂપ દ્વારા સંચાલિત કાર્ગો જહાજ સેવા શરૂ કરવા માટે મોટાભાગની મંજૂરી મળી ગઈ છે તેવું ઉચ્ચસ્તરીય સૂત્રોએ પુષ્ટિ આપી છે અને આ સર્વિસ જેમ બને તેમ ઝડપથી શરૂ થાય તે માટે પુષ્પક લોજીસ્ટીકના રાહુલભાઇ મોદી પ્રયાસો કરી રહ્યા છે અને અઠવાડીયામાં આ સર્વિસ શરૂ થઇ જાય તેવી શકયતા છે.

વાડીનારને ડેવલોપ કરવા માટે તેઓ વધુ પ્રયત્ન કરી રહ્યા છે

કેન્દ્ર સરકાર સંચાલિત દીનદયાળ બંદર ટ્રસ્ટ (ડીપીટી)ની માલિકી વાડીનારની છે, જે અગાઉ કંડલા હતી, જેણે આ સેવા શરૂ કરવા માટે વાડીનાર ખાતે રો-રો જેટીનો ઉપયોગ કરવાની મંજૂરી આપવા માટે અદાણી લોજિસ્ટિક્સ લિમિટેડને ગયા મહિને મળેલી બોર્ડની બેઠકમાં એક પ્રસ્તાવ પસાર કર્યો હતો. જાણવા મળ્યું છે કે, અદાણી એક ખાનગી ફેરી ઓપરેટર સાથે સંયુક્ત સાહસમાં કાર્ગો જહાજનું સંચાલન કરશે, ડીપીટીના અધ્યક્ષ એસ.કે. મહેતાએ જણાવ્યુ હતું કે, અમે તમામ મંજૂરી આપી દીધી છે અને તમામ નિયમનકારી મંજૂરી પણ મેળવી લીધી છે. મુન્દ્રા અને વાડીનાર બન્ને પાસે કાર્ગો જેટી છે. અમે અપેક્ષા રાખીએ છીએ કે, આ મહિનાના અંત સુધીમાં અથવા આવતા મહિનાની શરુઆતમાં આ સેવા શરૂ કરવામાં આવશે. સૂત્રોએ જણાવ્યું હતું કે, શિપિંગ ડિરેક્ટોરેટ જનરલ ઓફ શિપિંગની એક બાકી મંજૂરી પણ આગામી 10 દિવસમાં અપેક્ષિત છે.

મુન્દ્રા અને વાડીનાર બન્ને પાસે કાર્ગો જેટી છે

આ રો-રો જહાજમાં 24 ટ્રક વહન કરવાની ક્ષમતા હશે. એન્જિનિયરિંગ અને પિત્તળ ઉદ્યોગ માટે સિરામિક, એન્જિનિયરિંગ, પિત્તળ, રાસાયણિક અને ડીટરજન્ટ અને આયાત સ્ક્રેપના નિકાસ કાર્ગોને મોટો લાભ થશે, આશરે એક અંદાજ મુજબ દરરોજ 500થી વધુ ટ્રકો મુન્દ્રા, મોરબી, રાજકોટ અને જામનગરથી આવે છે. મુન્દ્રા બંદર પર આયાત કરેલો માલ જામનગર પહોંચવા માટે 270 કિ.મી.ની મુસાફરી કરવી પડશે, પરંતુ જો રો-રો વાહનમાં ભરીને વાડિનાર પર ઉતારવામાં આવશે તો, જામનગર પહોંચવામાં ફક્ત 53 કિ.મી.નો સમય લાગશે, તે જ રીતે, રાજકોટ અને મુન્દ્રા વચ્ચે 250 કિ.મી.નું અંતર વાડીનારથી માત્ર 140 કિ.મી. રો-રો સેવા માર્ગ પરના ટ્રાફિક, વાહનોના પ્રદૂષણને ઘટાડવામાં અને ખર્ચની અસરકારકતા પ્રદાન કરવામાં મદદ કરશે. ગાંધીધામ ચેમ્બર ઓફ કોમર્સ એન્ડ ઇન્ડસ્ટ્રી (જીસીસીઆઈ)ના મેનેજિંગ કમિટીના સભ્ય અને કસ્ટમ હાઉસ એજન્ટ આશિષ જોશીએ જણાવ્યું હતું કે, સેવા હજુ કેટલી અસરકારક સાબિત છે તેે જોવામાં આવશે.