જામનગરમાં એમ.પી.શાહ મેડિકલ કોલેજના 26 વર્ષીય ડૉક્ટરે કરી આત્મહત્યા

જામનગરમાં એમ.પી.શાહ કોલેજના એક ડૉક્ટરે આત્મહત્યા કરી લેતા ચકચાર મચી છે. જોકે આત્મહત્યાનું કારણ હજુ અકબંધ છે. પોલીસને હજુ સુધી કોઈ સુસાઈડ નોટ પણ મળી નથી.

• જામનગરમાં એમ.પી.શાહ મેડિકલ કોલેજના 26 વર્ષીય ડૉક્ટરે આત્મહત્યા કરી
• આત્મહત્યા કરવા પાછળનું રહસ્ય ઘેરાયું
• પોલીસને હજુ સુધી સુસાઇડ નોટ હાથ લાગી નથી

જામનગર : જિલ્લામાં આવેલી પી.જી. હોસ્ટેલમાં રહેતો અને પ્રથમ વર્ષમાં અભ્યાસ કરતાં રાજકોટના રેસીડન્ટ તબીબે તેના રૂમમાં આત્મહત્યા કર્યાની જાણ થતાં પોલીસે ઘટના સ્થળે પહોંચી આગળની કાર્યવાહી હાથધરી હતી. યુવા ડૉક્ટરે લવ અફેરમાં આત્મહત્યા કરી કે ડિપ્રેશનમાં આત્મહત્યા કરી તે રહસ્ય હજુ અકબંધ છે. જોકે હજુ સુધી સુસાઇડ નોટ પોલીસને હાથ લાગી નથી.

આ પણ વાંચો : સુરતઃ કોરોનાથી બનેવીનું મોત થતાં સાળાએ ટ્રેન સામે પડતું મૂકી આત્મહત્યા કરી

26 વર્ષીય મૌલિક પીઠવાએ કરી આત્મહત્યા

આ બનાવની વિગત મુજબ રાજકોટમાં રહેતો અને જામનગરમાં એનેસ્થેસિયાના પ્રથમ વર્ષમાં અભ્યાસ કરતો મોલિક પીઠીયા નામના રેસીડન્ટ તબીબે આજે મંગળવારે સાંજે તેના પી.જી. હોસ્ટેલના રૂમ નં. 608માં આત્મહત્યા કરી હતી. આ અંગેની જાણ થતાં હોસ્ટેલના સ્ટાફ સહિત તબીબ વિદ્યાર્થીઓ દોડી આવ્યા હતાં. આ અંગેની જાણને આધારે પોલીસ કાફલો ઘટના સ્થળે પહોંચી ગયો હતો અને સ્થળ પરથી મૃતદેહનો કબ્જો સંભાળી પોસ્ટમોર્ટમ માટે મોકલી મૃતકના પરિવારજનોને જાણ કરી વધુ તપાસ હાથ ધરી હતી.