જામનગર: મહાનગરપાલિકાએ આ વર્ષે ગણેશ વિસર્જન કરવા જતા લોકો માટે કડક વલણ અપનાવ્યું છે. જે કોઈ લોકો તળાવ અથવા નદીમાં ગણેશનું વિસર્જન કરશે તેની સામે ફોજદારી ગુનો નોંધવામાં આવશે. જામનગરની એસ્ટેટ શાખા દ્વારા શહેરમાં વિવિધ જગ્યાએ દરોડા પાડવામાં આવી રહ્યા છે. જે પણ લોકો POPની ગણપતિની મૂર્તિઓનું વેચાણ કરતા હોય તેની મૂર્તિઓ જપ્ત કરવામાં આવી રહી છે.
જામનગરમાં કોરોના મહામારીને લઈ મનપાએ કડક વલણ અપનાવ્યું ઘરે જ વિસર્જન કરવા લેવાયો નિર્ણય
હાલ એસ્ટેટ શાખામાં 250 જેટલી મૂર્તિઓ લાવવામાં આવી છે. જામનગર વહીવટીતંત્ર દ્વારા લોકોને સતત અપીલ કરવામાં આવી હતી કે, તેઓ ફરજિયાત પોતાના ઘરે માટીના ગણપતીની સ્થાપના કરી અને પોતાના ઘરે ડોલમાં જ ગણપતિનું વિસર્જન કરવું. તેમજ છતાં લોકો નદી-નાળામાં ગણપતિનું વિસર્જન કરવા જઈ રહ્યા છે. તેની સામે કાયદેસરના પગલાં લેવામાં આવી રહ્યા છે.