જામનગર મહાનગરપાલિકામાં 5 જુલાઈ સુધી જન્મમરણ શાખા બંધ, લોકોને હાલાકી

જામનગર મહાનગરપાલિકામાં જન્મમરણ નોંધણી શાખા 5 જુલાઈ સુધી બંધ રાખવાનું એલાન કરવામાં આવ્યું છે. જામનગર જિલ્લામાં કોરોનાના વધતાં કેસને પગલે મહાનગરપાલિકા દ્વારા આ નિર્ણય લેવામાં આવ્યો છે.

જામનગરઃ જન્મમરણ અને લગ્ન નોંધણીની કામગીરી બંધ કરવામાં આવતાં લોકો મૂંઝવણમાં મૂકાયાં છે. મહાનગરપાલિકા દ્વારા કોઈ વૈકલ્પિક વ્યવસ્થા કરવામાં આવી છે કે નહીં તેવા પ્રશ્નો કરવામાં આવી રહ્યાં છે.

મહાનગરપાલિકાના અધિકારીઓના જણાવ્યાં અનુસાર જે લોકો જન્મ અને મરણના દાખલા કઢાવવા માગતા હોય તે 5 જુલાઈ બાદ મહાનગરપાલિકામાં જન્મમરણ શાખામાં ડોક્યુમેન્ટ જમા કરાવી મેળવી શકે છે. પોતાની સાથે જે તે હોસ્પિટલ કે સંસ્થાના ડોક્યુમેન્ટ રાખવા ફરજિયાત છે.

જામનગર મહાનગરપાલિકામાં 5 જુલાઈ સુધી જન્મમરણ શાખા બંધ, લોકોને હાલાકી

મહાનગરપાલિકામાં જન્મમરણ શાખામાં દાખલા કઢાવવા માટે લોકોની ભારે ભીડ જોવા મળતાં અહીં લોકલ સંકમણ થવાની શકયતા હોવાથી મહાનગરપાલિકા દ્વારા આ નિર્ણય લેવામાં આવ્યો છે.