જામનગરના વાલકેશ્વરીમાં યુવતીએ સર્જ્યો અકસ્માત

જામનગરમાં બાઈક ચાલક યુવકને યુવતીએ કાર અડફેટે લેતા દૂર સુધી ફંગોળાઇ ગયો હતો. ગંભીર ઈજા પહોંચતા તેને તાત્કાલિક જામનગર ગુરુ ગોવિંદ હોસ્પિટલમાં સારવાર અર્થે લવાયો હતો.

• યુવતી અકસ્માત સર્જી ઘટના સ્થળેથી નાસી ગઈ
• શહેરમાં જુદી જુદી જગ્યાએ ઇલેક્ટ્રોનિક શો રૂમ ધરાવતા માલીકની પુત્રીએ અકસ્માત સર્જ્યો છે
• બાઈક ચાલક યુવકને યુવતીએ કાર અડફેટે લેતા દૂર સુધી ફંગોળાઇ ગયો

જામનગર: બાઈક ચાલક યુવકને યુવતીએ કાર અડફેટે લેતા દૂર સુધી ફંગોળાઇ ગયો હતો. ગંભીર ઈજા પહોંચતા તેને તાત્કાલિક જામનગર ગુરુ ગોવિંદ હોસ્પિટલમાં સારવાર અર્થે લવાયો હતો. જોકે, અહીં ઇલેક્ટ્રોનિક શો રૂમના માલિક પણ પહોંચી ગયા હતા અને બાદમાં આ યુવકને વધુ સારવાર અર્થે ખાનગી હોસ્પિટલમાં ખસેડવામાં આવ્યો હતો. ત્યાં પણ તેની હાલત ગંભીર જણાતા આખરે યુવકને વધુ સારવાર અર્થે રાજકોટની ખાનગી હોસ્પિટલમાં ખસેડવામાં આવ્યો છે. અહીં તેમની હાલત સ્થિર હોવાનું જાણવા મળ્યું છે.

આ પણ વાંચો:ઇટાલી: કેબલ કારમાં બેસીને જોતા હતા નજારો, ત્યારે જ થયો મોટો અકસ્માત

શો રૂમના માલિક તાત્કાલિક હોસ્પિટલ પહોંચ્યા

યુવતીએ સર્જાયેલા અકસ્માતના CCTV ફૂટેજ પણ સામે આવ્યા છે. યુવતીએ યુવકને બાઈક પરથી દૂર ફંગોળ્યા બાદ બાજુમાં રહેલા મકાનમાં પણ કાર અથડાવી હતી. જેના કારણે બાજુના મકાનમાં પણ નુકસાની થઈ છે. ઘટનાની જાણ થતાં તાત્કાલિક પોલીસ વાલ્કેશ્વરી વિસ્તારમાં પહોંચી હતી અને તપાસ શરૂ કરી હતી જોકે આશ્ચર્યની વાત તો એ છે કે તે સુધીમાં યુવતી વિરૂદ્ધ પોલીસ ફરિયાદ નોંધાઇ નથી.

આ પણ વાંચો:કન્નૌજમાં આગ્રા એક્સપ્રેસ વે પર અકસ્માતમાં એકનું મોત અને 30 ઇજાગ્રસ્ત