ન્યૂઝ ડેસ્કઃ જન્માષ્ટમીની ઉજવણી ભગવાન શ્રીકૃષ્ણના 8મા અવતારના રૂપે કરવામાં આવે છે. ભગવાન કૃષ્ણના ભગવદ ગીતાના ઉપદેશો અનાદિ કાળથી લોકો માટે જીવન દર્શન રજૂ કરે છે. જન્માષ્ટમીની ઉજવણી ભારતમાં જ નહીં, પરંતુ વિદેશમાં વસવાટ કરનારા ભારતીયો પણ કરે છે.
#KrishnaJanmashtami2020 : આજે દેશભરમાં ભગવાન કૃષ્ણના જન્મની થશે ઉજવણી - Janmashtami 2020
હિન્દુ પંચાંગ અનુસાર ભગવાન શ્રીકૃષ્ણનો જન્મ ભાદ્રપદ મહિનાના કૃષ્ણ પક્ષની આઠમી તિથિના રોજ થયો હતો. આ ઉપરાંત ભગવાન શ્રીકૃષ્ણનો જન્મ રોહિણી નક્ષત્રમાં થયો હતો. જે આ વર્ષે 12 ઓગસ્ટના રોજ છે. જેથી આ વર્ષે સમગ્ર દેશમાં 11 ઓગસ્ટ અને 12 ઓગસ્ટના રોજ જન્માષ્ટમીની ઉજવણી કરવામાં આવી રહી છે.
આજે સમગ્ર દેશમાં ભગવાન કૃષ્ણના જન્મની ઉજવણી કરવાામાં આવે છે
ભગવાન શ્રીકૃષ્ણએ ભાદ્રપદ મહિનાની કૃષ્ણ પક્ષની અષ્ટમીના દિવસે મધ્યરાત્રીએ જૂલમી કંસનો વિનાસ કરવા મથુરામાં જન્મ લીધો હતો. જેથી આ દિવસને જન્માષ્ટમી તરીકે ઉજવવામાં આવે છે. જન્માષ્ટમીના પવિત્ર તહેવારના દિવસે ભગવાન કૃષ્ણ એક ઝલક જોવા માટે શ્રદ્ધાળુ દૂર-દૂરથી આજના દિવસે મથુરા અને દ્વારકા આવતા હોય છે.
મથુરા અને દ્વારકાના મંદિરમાં સ્ત્રી-પુરુષો રાત્રીના 12 વાગ્યા સુધી વ્રત રાખે છે. આ ઉપરાંત આજના દિવસે દ્વારકા અને મથુરાના મંદિરમાં રાસલીલાનું પણ આયોજન કરવામાં આવે છે. આ વખતે કોરોના મહામારીને કારણે જન્માષ્ટમીની ઉજવણીમાં ખલેલ પહોંચી છે.