● ગાંધીનગરના જૈન દેરાસરમાં મહાવીરને સૂર્ય તિલક
● ઓનલાઈન દર્શન ઉપલબ્ધ
આજે ભગવાન મહાવીરના લલાટે થયું સૂર્ય તિલક - Jinalay
ગાંધીનગરના કોબા સર્કલ ખાતે જૈન આરાધના કેન્દ્ર આવેલું છે. જ્યાં ભગવાન મહાવીરનું જિનાલય પણ આવેલ છે. આ જિનાલયની સ્થાપના 1885માં કરાઈ હતી. જ્યારે તેની પ્રાણપ્રતિષ્ઠા 1987માં કરવામાં આવી હતી. આ જિનાલયની રચના એ પ્રકારે કરવામાં આવી છે કે જેથી 22 મી મેએ બપોરે 02:07 કલાકે ભગવાન મહાવીરના જિનાલયમાં આવેલ ગર્ભગૃહની મૂર્તિ ઉપરના ભાગે સૂર્યના પ્રકાશ પૂંજ દ્વારા તિલક થાય.
ભગવાન મહાવીરના જિનાલયમાં આવેલ ગર્ભગૃહની મૂર્તિ ઉપરના ભાગે સૂર્યના પ્રકાશ પૂંજ દ્વારા તિલક થાય
● શિક્ષણપ્રધાન ભૂપેન્દ્રસિંહ ચૂડાસમા રહ્યાં ઉપસ્થિત
● અદભુત ઘટનાના અનેક લોકો સાક્ષી બન્યા
અમદાવાદઃ આજે આ અદભૂત ઘટના બની અને તેની રોશનીથી સમગ્ર જિનાલય ઝળહળી ઉઠ્યું. આ પ્રસંગના સાક્ષી બનવા ભક્તો ઉપરાંત શિક્ષણપ્રધાન ભૂપેન્દ્રસિંહ ચૂડાસમા પણ ઉપસ્થિત રહ્યાં હતાં. તેમણે જણાવ્યું હતું કે, આ કેવળ જ્ઞાન અને ભક્તિનો દિવસ છે. તેમનું નસીબ છે કે, તેઓ આ ઘટનાના સાક્ષી બન્યાં. તેમણે પ્રભુને પ્રાર્થના કરી કે આખું વિશ્વ કોરોના અને મ્યુકોરમાયકોસીસથી મુક્ત બને. બધું જ પહેલાં જેવું થાય.
આજે ભગવાન મહાવીરના લલાટે થયું સૂર્ય તિલક
● મંદિરના ટ્રસ્ટીઓએ શું કહ્યું ?
મંદિરના ટ્રસ્ટીઓએ જણાવ્યું હતું કે, આચાર્ય કૈલાસસાગર મહારાજ આજના દિવસે અને આ જ સમયે નશ્વર દેહ છોડ્યો હતો અને તેમને સમાધિ અપાઈ હતી. તેમની યાદમાં આ મંદિરનું નિર્માણ કરવામાં આવ્યું હતું એટલે આ શ્રદ્ધાનો ત્રિવેણી સંગમ છે. આ મંદિરની પાછળ જૈન ખગોળ શાસ્ત્ર અને જ્યોતિષનો ઉપયોગ કરાયો છે, જેને લઇને આ ઘટના બને છે. આ કોઈ ચમત્કાર નથી, આ શ્રદ્ધાનો વિષય છે.
આ પણ વાંચોઃ માસ પ્રમોશન મેળવેલા વિદ્યાર્થીઓને શિક્ષણ બોર્ડ આપશે માર્કશીટ