ટેકાના ભાવે મગફળી ખરીદી માટે રજિસ્ટ્રેશન શરૂ, 12 વાગ્યા સુધીમાં 1544 ખેડૂતોએ કરાવ્યું રજિસ્ટ્રેશન

ગાંધીનગર: રાજ્ય સરકારે ટેકાના ભાવે મગફળીની ખરીદી માટે મંગળવારથી ખેડૂતો માટે ઓનલાઈન રજિસ્ટ્રેશનની પ્રક્રિયા શરૂ કરી છે. જેમાં 1500થી વધુ ખેડૂતોએ રજિસ્ટ્રેશન કરાવ્યું છે. સરકાર રજિસ્ટ્રેશન માટે 122 જેટલા સેન્ટરો ઉભા કરશે જેથી કરીને ખેડૂતો સરળતાથી ઓનલાઈન રજિસ્ટ્રેશન કરી શકે.

ચોમાસાની સિઝનમાં ચાલુ વર્ષે મગફળીના સારો પાક થયો છે, ત્યારે રાજ્ય સરકાર દ્વારા હવે ટેકાના ભાવે મગફળીની ખરીદી શરૂ કરવાનું આયોજન કરવામાં આવ્યું છે. જેમાં આ વર્ષે રાજ્ય સરકાર ટેકાના ભાવે પ્રતિમણ 1018ની કિંમતથી મગફળીની ખરીદી કરશે. ટેકાના ભાવની ખરીદી માટે રાજ્યના કુલ 122 સેન્ટરો પર આજથી ખેડૂતો માટે ઓનલાઈન રજિસ્ટ્રેશનની પ્રક્રિયા શરૂ કરવામાં આવી છે.

વરસાદને કારણે મગફળીના પાક પણ સારા પ્રમાણમાં થયો છે જેને હવે રાજ્ય સરકાર દ્વારા ટૂંક સમયમાં ટેકાના ભાવે મગફળીની ખરીદી શરૂ કરવામાં આવશે. ટેકાના ભાવે ખરીદી માટે રાજ્ય સરકાર 122 જેટલા સેન્ટરો ઉભા કરશે. ખેડૂતોએ મગફળીના વેચાણ માટે ઓનલાઈન રજિસ્ટ્રેશનની કામગીરી કરવાની હોય છે. જે મંગળવારથી શરૂ કરવામાં આવી છે. જેને લઈને મંગળવારે વહેલી સવારથી 1500 જેટલા ખેડૂતોએ ઓનલાઈન પ્રક્રિયા કરી લીધી છે. ઓનલાઇન પ્રક્રિયા શરૂ થતાં ગણતરીના કલાકોમાં જ 1500થી વધુ ખેડૂતોએ રજિસ્ટ્રેશન કરાવ્યું હતું.

નોંધનીય છે કે, આ વર્ષે કુલ 25 લાખ મેટ્રિક ટન મગફળીનું ઉત્પાદન થયું છે. જેમાં ચાલુ વર્ષે રાજ્યના 124 સેન્ટરોમાંથી મગફળીની ખરીદી કરવામાં આવશે, જ્યારે પ્રતિ મણ 1018 રૂપિયાની કિંમતે મગફળીની ખરીદી કરવામાં આવશે. દિવાળીના લાભપાંચમના દિવસે રાજ્ય સરકાર ખરીદી શરૂ કરી શકે છે. આ વર્ષે કુલ 8 લાખ મેટ્રિક ટનની ખરીદી કરવામાં આવશે. ગત વર્ષે 4.50 લાખ મેટ્રિક ટન ખરીદી કરી હતી. આ વર્ષે 5.50 લાખ ટનની ખરીદી મુજબ વ્યવસ્થા ઉભી કરવામાં આવશે.

ગત વર્ષે થયેલા મગફળી કૌભાંડ બાદ રાજ્ય સરકારે પગલા પણ લીધા હતા. જ્યારે આ વર્ષે આવા કોઈ કોભાંડ ન થાય તેને ધ્યાનમાં લઈને રાજ્ય સરકાર દ્વારા અગાઉથી આયોજન કરવામાં આવ્યું છે. જેમાં તમામ ગોડાઉન અને સ્ટોરેજને મુશ્કેલી ન પડે તેવી વ્યવસ્થા કરીને તમામ જગ્યાએ CCTV મુકવામાં આવશે.