રાજ્યમાં હવે વાગશે મ્યુઝિક પાર્ટી અને ડી.જે. બેન્ડ, ગૃહવિભાગ કરશે સત્તાવાર જાહેરાત

આજે (બુધવાર) ગાંધીનગર ખાતે મળેલી કેબિનેટ બેઠકમાં મહત્વનો નિર્ણય લેવામાં આવ્યો છે. લોકડાઉનમાં ડિજે અને મ્યુઝિક કલાકારોની આર્થિક સ્થિતિ કફોડી બની હતી. આજે કેબિનેટ બેઠકમાં રાજ્યના મુખ્ય પ્રધાન વિજય રૂપાણીએ રાજ્યમાં ડીજે પાર્ટી અને મ્યુઝિક બેન્ડ સિસ્ટમને પરવાનગી આપવાની સૂચના ગૃહવિભાગને આપી છે.

• રાજ્ય સરકારની કેબિનેટ બેઠકમાં લેવાયો નિર્ણય
• હવે ડી.જે અને મ્યુઝિક પાર્ટીને આપવામાં આવશે પરવાન
• મુખ્યપ્રધાન રૂપાણીએ ગૃહવિભાગ ને આપી સૂચના

ગાંધીનગર : રાજ્યના મુખ્યપ્રધાન વિજય રૂપાણી અધ્યક્ષતામાં યોજાયેલી કેબિનેટની બેઠકમાં આજે (બુધવાર) મહત્વના નિર્ણય કરવામાં આવ્યો છે. કોરોનાની પ્રથમ અને બીજી લહેર દરમિયાન રાજ્ય સરકારે ડીજે પાર્ટી અને મ્યુઝિક પાર્ટી ઉપર પ્રતિબંધ મૂક્યો હતો ત્યારબાદ કલાકારો અને મ્યુઝિક સિંગરની હાલત કફોડી બની છે. આજે કેબિનેટ બેઠકમાં રાજ્યના મુખ્ય પ્રધાન વિજય રૂપાણીએ રાજ્યમાં ડીજે પાર્ટી અને મ્યુઝિક બેન્ડ સિસ્ટમને પરવાનગી આપવાની સૂચના ગૃહવિભાગને આપી હોવાની માહિતી સૂત્રો તરફથી પ્રાપ્ત થઇ છે.

ગુજરાતમાં અત્યાર સુધી ડી.જે. પાર્ટી પર હતો પ્રતિબંધ

અનલોક થયા પછી પણ સરકારના ગૃહ વિભાગ દ્વારા ડીજે પાર્ટી પર પ્રતિબંધ યથાવત્ રાખવામાં આવ્યો હતો જે આજ દિન સુધી પ્રતિબંધ યથાવત્ હતો પરંતુ રાજ્યના મુખ્યપ્રધાન વિજય રૂપાણી અધ્યક્ષતામાં મળેલી કેબિનેટ બેઠકમાં ડીજે પાર્ટી એસોસિએશન અને મ્યુઝિક કલાકાર એસોસિએશન તરફથી મુખ્ય પ્રધાન વિજય રૂપાણીએ અગાઉ પણ અનેક વખત રજુઆત કરવામાં આવી હતી જે રજૂઆતના પગલે આજે કેબિનેટ બેઠકમાં મુખ્ય પ્રધાન વિજય રૂપાણીએ રાજ્યમાં ડીજે પાર્ટી મ્યુઝિક પાર્ટી કરવાની સૂચનાઓ આપી છે, જ્યારે ગૃહવિભાગને સત્તાવાર નોટિફિકેશન કરવાની સૂચના પણ આપવામાં આવી છે.

આ પણ વાંચો : પશ્ચિમ બંગાળથી ભાજપના સાંસદ અર્જુન સિંહના ઘરની બહાર થયો બોમ્બ બ્લાસ્ટ, રાજ્યપાલે ચિંતા વ્યક્ત કરી

લોકડાઉનમાં ડી.જે. અને ગાયક કલાકારની હાલત કફોડી થઈ

રાજ્યમાં એવા અનેક કલાકારો છે કે જેમનું ઘર ફક્ત મ્યુઝિક પાર્ટી અને ગાયકી પર જ ચાલતું હતું ત્યારે કોરોના ની પ્રથમ અને બીજી લહેર દરમિયાન કલાકારોની હાલત કફોડી બની હતી. તેને ધ્યાનમાં લઇને રાજ્ય સરકાર દ્વારા ડીજે પાર્ટી મ્યુઝિકલ પાર્ટી પર પ્રતિબંધ મૂકી દીધો હતો જેને લઇને ગાયક કલાકાર અને ડીજે સંચાલકોની હાલત કફોડી બની હતી જ્યારે અનેક ગાયક કલાકારોએ મ્યુઝિકની લાઈન મૂકીને અન્ય જગ્યાએ રોજગારી મેળવવા માટેના પણ પ્રયાસો હાથ ધર્યા હતા.

આ પણ વાંચો : અમદાવાદ શહેરમાં લાંબા સમય બાદ IT વિભાગનું મેગા ઓપરેશન, નામાંકિત બિલ્ડરોને ITના દરોડા

નવરાત્રીની આપી શકાય છે પરવાનગી

રાજ્યના મુખ્યપ્રધાન વિજય રૂપાણી મળેલી કેબિનેટ બેઠકમાં જે રીતે ડીજે પાર્ટી અને ગાયક કલાકારોને પ્રાથમિક મંજૂરી આપવામાં આવી છે તેને ધ્યાનમાં લઈએ તો સૂત્રો તરફથી મળતી માહિતી પ્રમાણે રાજ્યમાં નવેમ્બર માસમાં આવતી નવરાત્રી મહોત્સવ માટેની પણ મંજૂરી રાજ્ય સરકાર ને ધ્યાનમાં લઈને આપી શકે છે. ગુજરાતમાં મોટા પાર્ટીપ્લોટમાં તો નવરાત્રિનું આયોજન નહીં કરવાનું આયોજકોએ નિર્ણય કર્યો છે ત્યારે શેરી ગરબા યોજાઈ તેવી શક્યતાઓ પણ આજના નિર્ણય પરથી લાગી શકે છે.