PSI ભરતી માટે ડિસેમ્બર મહિનાથી શારીરિક કસોટી શરૂ થશે

પોલીસ સબ ઈન્સ્પેક્ટરની ભરતી (PSI recruitment ) માટે આગામી સમયમાં ફોર્મ પ્રક્રિયા પૂર્ણ થઈ ગઈ છે ત્યારે ડિસેમ્બર મહિનાના પહેલા અઠવાડિયામાં શારીરિક કસોટી લેવામાં આવશે. ઘણા સમયથી ઉમેદવારો આ શારીરિક કસોટી (physical test for PSI)નીં રાહ જોઈ રહ્યા હતા. પોલીસ સબ ઈન્સ્પેક્ટરની સંવર્ગ ભરતી બોર્ડ આગામી સમયમાં નવી ભરતીઓનું આયોજન પણ કરે તેવી શક્યતાઓ છે.

• આવતી હોળી પહેલા પરીક્ષા પૂર્ણ થાય તે પ્રકારનું આયોજન
• શારીરિક કસોટી માટે 15 જેટલા કેન્દ્રો નક્કી કરાયા
• 1382 જગ્યા માટે 5.5 લાખ ફોર્મ આવ્યા

ગાંધીનગર : પોલીસ સબ ઈન્સ્પેક્ટરની સંવર્ગ ભરતી (PSI recruitment) બોર્ડ દ્વારા ઓનલાઇન અરજીઓ સ્વીકારવામાં આવી છે. અત્યાર સુધી સાડા પાંચ લાખ જેટલી અરજીઓ આવી છે. ફિઝિકલ ટેસ્ટ માટે બંને શારીરિક કસોટી હેતુ રાજ્યના 15 જેટલા કેન્દ્રો નક્કી કર્યા છે અને એ કેન્દ્ર પરથી પ્રથમ અઠવાડિયામાં શારીરિક કસોટી (physical test for PSI) ચાલુ થશે.

1382 જગ્યા: 951 પુરુષો, 431 મહિલા ઉમેદવારો

તાજેતરમાં રાજ્ય સરકાર તરફથી પોલીસ ખાતામાં મોટી સંખ્યામાં ભરતી કરવાની જાહેરાત થઇ છે. એ જાહેરાત અનુસંધાને પોલીસ સબ ઈન્સ્પેક્ટરની સંવર્ગ ભરતી બોર્ડ તરફથી જરૂરી પ્રક્રિયા ચાલુ કરવામાં આવી છે. આ વખતે પોલીસ સબ ઇન્સ્પેક્ટર સંવર્ગની ભરતી થવાની છે. જેમાં ફોર્મ પ્રક્રિયા પૂર્ણ થઈ છે. એમાં કુલ 1382 જગ્યા છે 951 પુરુષો અને 431 મહિલાઓ માટે જગ્યા છે. પી.એસ.આઇ સંવર્ગમાં આર્મ પીએસઆઇ, ઇન્ટેલિજન્સ ઓફિસર, આસિસ્ટન્ટ સબ ઇન્સ્પેક્ટરની ભરતી થશે. અરજી કરવાની છેલ્લી તારીખ 3 નવેમ્બરના રોજ હતી.

PSI સંવર્ગ, LRD બોર્ડ શારીરિક કસોટીનું આયોજન સાથે કરશે

પીએસઆઇ સંવર્ગની જે ભરતી છે અને એલઆરડી બોર્ડની જે ભરતી છે આ બંને ભરતી બોર્ડ સાથે મળીને શારીરિક કસોટીનું આયોજન કરશે. બન્નેના શારીરિક કસોટીના માપદંડો મહિલા અને પુરુષો માટે એક સરખા છે કેટલાક એવા પણ ઉમેદવારો છે કે એલઆરડી અને PSI બંને ભરતી માટે અરજી કરી છે. એવા ઉમેદવારોને બે વખત શારીરિક કસોટી નહીં આપવી પડે તેને ધ્યાનમાં રાખી બંને સાથે મળીને શરીર કસોટીનું આયોજન કરશે.

જાન્યુઆરી મહિનામાં લેખિત પરીક્ષા યોજવામાં આવશે

આ શારીરિક કસોટી પૂર્ણ કરવામા 25 દિવસ જેટલો સમય ગાળો થશે. ડિસેમ્બર મહિનામાં શારીરિક કસોટી પૂર્ણ કરવામાં આવશે. પીએસઆઇમાં બે લેખિત પરીક્ષા હોય છે પ્રિલીમનરી જાન્યુઆરી માસમાં લેવાનું આયોજન છે, ત્યારે મેન્સ પરીક્ષામાં ચાર પેપર હોય છે. આ ચાર પેપર ફેબ્રુઆરી માસમાં લેવાનું આયોજન કરવામાં આવ્યું છે. ભરતી બોર્ડે નક્કી કર્યું છે કે આખી પ્રક્રિયા આવતી હોળી પહેલા પરીક્ષા પૂર્ણ થાય તે પ્રકારનું આયોજન છે.

આ પણ વાંચો:PSI અને LRDની સીધી ભરતીમાં શારીરિક કસોટીમાં પાસ થનારા ઉમેદવારો લેખિત પરીક્ષા આપી શકશેઃ ગૃહ રાજ્યપ્રધાન

આ પણ વાંચો:માતાના પ્રોત્સાહનથી નિતા ચૌધરી બન્યા PSI