- રાજયમાં છેલ્લાં 24 કલાકમાં એક ઇંચ વરસાદ નહીં
- રાજયના હવામાન વિભાગની આગાહી, હજુ 5 દિવસ સુધી વરસાદ નહિવત
- 10 ઓગસ્ટ સુધી વરસાદ નહી પડે,વાદળછાયું વાતાવરણ રહેશે
ગાંધીનગર : રાજ્યમાં ભારે વરસાદના ( Rain )કારણે સ્ટેટ હાઇવે, પંચાયત માર્ગ, નેશનલ હાઇવે અને અન્ય માર્ગો બંધ કરવા પડે છે અથવા તો ભારે વરસાદને કારણે રસ્તાઓ બંધ થઈ જાય છે. પણ ઇમરજન્સી સેન્ટર પરથી મળતી માહિતી પ્રમાણે રાજ્યમાં 5 ઓગસ્ટના 2 વાગ્યા સુધીમાં તમામ રસ્તાઓ કાર્યરત છે એક પણ રસ્તા બંધ થયાં નથી અને બંધ કરવામાં પણ આવ્યાં નથી.
રાજ્યમાં છેલ્લા 24 કલાકમાં એક પણ ઇંચ વરસાદ નહીં
રાજ્યમાં ચોમાસાની સીઝન કાર્યરત છે પરંતુ રાજ્યમાં 24 કલાક માટે એક પણ ઇંચ વરસાદ ( Rain ) નોંધાયો ન.થી રાજ્યના સ્ટેટ ઇમરજન્સી ઓપરેશન સેન્ટર પરથી માહિતી મળતી માહિતી પ્રમાણે રાજ્યના ફક્ત પાંચ જ જિલ્લાઓમાં ગણતરીના એક અથવા તો 2 MM વરસાદની નોંધણી થઈ છે. જ્યારે સમગ્ર રાજ્યમાં એક ઈચ જેટલો પણ વરસાદ પડ્યો નથી. છેલ્લા ચોવીસ કલાકની જો વાત કરવામાં આવે તો ડાંગ વલસાડ નવસારી જિલ્લામાં જ ગણતરીના 1 અથવા 2 MM વરસાદ નોંધાયો છે.
5 જિલ્લામાં વરસાદ નોંધાયો, અન્ય જિલ્લામાં 00 MM વરસાદ
રાજ્યમાં તમામ તાલુકાઓને જિલ્લાઓની જો વાત કરવામાં આવે તો રાજ્યમાં 33 જિલ્લાઓમાંથી ફક્ત પાંચ જિલ્લાઓમાં વરસાદ નોંધાયો છે. જ્યારે અન્ય તમામ જિલ્લાઓમાં છેલ્લા 24 કલાકમાં એક ઇંચ પણ વરસાદ ( Rain ) નોંધાયો નથી. આમ વરસાદ ખેંચાવાના કારણે ખેડૂતોને પણ હવે ચિંતામાં વધારો થયો છે. આમ ખેડૂતોએ વાવણી કરી અને પાક ઊભો થયો છે તે ઊભા પાકને પણ નુકસાન થવાની શક્યતાઓમાં વધારો થયો છે. જો વરસાદ હજુ પણ ખેંચાશે તો ખેડૂતોને આર્થિક નુકસાનીનો પણ સામનો કરવો પડે તેવી પરિસ્થિતિ ઉભી થઈ શકે તેમ છે.