ગાંધીનગર, મહેસાણા, અમદાવાદમાં 18 સ્નેચિંગ કરનારી કડીની ટોળકી પકડાઈ, સોની પાસેથી રૂ.2.63 લાખની ચેઈન મળી

ગાંધીનગર, મહેસાણા અને અમદાવાદ જિલ્લામાં ચેઈન સ્નેચિંગ કરનારી ટોળકી અને તેમની પાસેથી ચોરીની વસ્તુઓ ખરીદનારા સોનીને પોલીસે પકડી લીધા છે. ચેઈન સ્નેચિંગના 18 ગુનાનો ભેદ ઉકેલીને પોલીસે કડીના સોની પાસેથી રૂ.2.63 લાખના સોનાના દોરા રિકવર કર્યાં છે.

ગાંધીનગરઃ ગાંધીનગર લોકલ ક્રાઈમ બ્રાંચ કલોલ વિસ્તારમાં પેટ્રોલિંગ કરતી હતી ત્યારે કોન્સ્ટેબલ વિજયસિંહ નવલસિંહને બાતમી મળી હતી. અગાઉ ચેઈન સ્નેચિંગના ઘણાં ગુનાઓમાં પકડાયેલ અને કલોલ શહેર પોલીસ સ્ટેશનના ચેઈન સ્નેચિંગના ગુનામાં નાસતા ફરતા આરોપી મહેશ કાળાજી ઠાકોર અને તેનો સાગરિત અજય ઉર્ફે ભુદર રાવળ તોડેલા દોરા કડીના સોની રજાકભાઈને વેચવા માટે કલોલ સિંદબાદ હોટલ સામે આવ્યા હોવાની બાતમીના આધારે પોલીસે દરોડો પાડ્યો હતો. પુલ નીચે ઊભેલા મહેશ ઉર્ફે ટીનો ઉર્ફે લટ્ટુ કાળાજી ઠાકોર (ઉ.વ. 30, કુંડાળ, કડી), અજય ઉર્ફે ભુદર વિનોદભાઈ રાવળ (રહે. કુંડાળ, કડી) તથા માલ લેનાર સોની રજાકભાઈ જુસબભાઈ મેમણ (ઉ.વ. 74, ગ્રીન સિટી, કડી)ની પોલીસે પૂછપરછ કરી હતી.

ગાંધીનગર, મહેસાણા, અમદાવાદમાં 18 સ્નેચિંગ કરનાર કડીની ટોળકી પકડાઈ

આરોપીઓ પાસેથી સોનાના બે નંગ દોરા કિંમત રૂ.2,63,682 મળી આવ્યા હતા. આ દોરા તેમણે આઠેક માસ અગાઉ કલોલ બોરીસણા રોડ પર આવેલી ગુરુકૃપા સોસાયટીના નાકે ઊભેલા બહેનના ગળામાંથી તોડ્યા હોવાનું આરોપીઓએ સ્વીકાર્યું હતું. સોની રજાકભાઈને આ દોરા વેચવા માટે બંને ચેઈન સ્નેચર આવ્યા હતા. આરોપીઓ રીઢા સ્નેચર હોવાનું પોલીસા ધ્યાનમાં આવતાં તેમની સઘન પૂછપરછ કરવામાં આવી હતી. જેમાં સંખ્યાબંધ ગુનાનો ભેદ ઉકેલાયો હતો. દોઢ વર્ષમાં 18 ગુના કર્યા, પલ્સર બાઈક ફેવરિટ આશરે નવેક મહિના પહેલા મહેશ અને અજયે પલ્સર બાઈક પર વિસનગર ખાતે એક સોસાયટીના રોડ પર ઊભેલા બહેનના ગળામાંથી ચેઈન તોડ્યો હતો. આ ચેઈન રજાકભાઈની દુકાને રૂ.20000માં વેચવામાં આવ્યો હતો. આ ગુનામાં અજયને વિસનગર પોલીસે પકડ્યો હતો. એકાદ વર્ષ પહેલા મહેશ અને અજયે અજયના પલ્સર બાઈક પર બોરીસણા બસ સ્ટેન્ડ નજીક રોડ પર પસાર થઈ રહેલી મહિલાના ગળામાંથી ચેઈન તોડ્યો હતો અને તેને કડી ખાતે રજાકભાઈની દુકાને રૂ.15 હજારમાં વેચવામાં આવ્યો હતો. દોઢેક વર્ષ પહેલાં હેશ અને અજયે પલ્સર બાઈક પર કલોલ શહેરની એક સોસાયટીમાં એક્ટિવા ઉપર જતાં ભાઈની પાછલ બેઠેલા બહેનના ગળામાંથી ચેઈન તોડ્યો હતો અને અમદાવાદ માધુપુરાના સોનીને રૂ.20000માં આ ચેઈન વેચ્યો હતો. એક માસ પહેલાં મહેશ અને અજયે સાગર ઉર્ફે ટેચીયો દશરથજી ઠાકોરનું પલ્સર બાઈક લઈને કલોલ શિવાલય સોસાયટી રોડ પરથી એક મહિના ગળામાંથી સોનાનો દોરો તોડ્યો હતો. આ દોરો વેચવાના પ્રયાસમાં સાગર ઉર્ફે ટેચિયો પકડાયો હતો, પરંતુ અન્ય બે નાસતા-ફરતા હતા. એક માસ અગાઉ મહેશ અને અજયે સાગરનું પલ્સર બાઈક લઈને કલોલ-મહેસાણા હાઈવે પર અંબાજી મંદિરની બાજુમાં આવેલા સર્વિસ રોડ પર જ્યુપિટર પર પસાર થઈ રહેલાં બહેનના ગળામાંથી દોરો તોડ્યો હતો. આ દોરો વેચવા જતી વખતે સાગર પકડાયો હતો, જ્યારે અન્ય બંને નાસતા-ફરતા હતા. પાલાવાસણા બાયપાસ રોડ પર સર્વોત્તમ રેસ્ટોરન્ટ નજીક બંને આરોપીઓએ એક મહિલાના ગળામાંથી ચેઈન તોડ્યો હતો. મહેસાણા બાયપાસ રોડ પર બહુચરાજી ચોકકડી નજીક એક્ટિવાની પાછલ બેઠેલા બહેનના ગળામાંથી ચેઈન તોડ્યો હતો. મહેસાણા બાયપાસ રોડ પર કરસનપુરા પાટીયાવાળા બ્રિજ પર એક બહેનના ગળામાંથી ચેઈન તોડ્યો હતો. મોઢેરા ચોકડી પહેલાં સ્ટે પ્લસ હોટલની આગળ રોડ પરથી એક બહેનના ગળામાંથી ચેઈન તોડ્યો હતો.

મહેસાણા બાયપાસ રોડથી મોઢેરા રોડપર નવી બનતી ગોકુલ ઈન્ડસ્ટ્રીઝ પાર્ક નજીક ગરનાળા પર બાઈક પર એક ભાઈ અને બહેન જતા હતા. તેમણે બહેનના ગલામાંતી ચેઈન તોડ્યો હતો.

સાડા સાત મહિના અગાઉ અજય તથા સંદીપ પટેલ (રહે. કુંડાળ) જીજે-02 એફ 3412 નંબરનું પલ્સર બાઈક લઈને ગયા હતા. તેમણે કલોલથી પીયજ રોડ પર એક્ટિવા પર જતા ભાઈની પાછળ બેઠેલા બહેનના ગળામાંથી સોનાનો ચેઈન તોડી રૂ.25,000માં રજાકભાઈની દુકાને વેચ્યો હતો.
સાડ પાંચ મહિના પહેલાં અજય તથા સાગરે પલ્સર બાઈક પર થોળથી બોપલ રોડ પર બોપલ પહેલાં એક્ટિવા પર જતા ભાઈની પાછળ બેઠેલા બહેનના ગળામાંથી સોનાનો ચેઈન તોડ્યો હતો. જે રૂ.16,000માં રજાકભાઈને વેચ્યો હતો.

સાડા ચાર મહિના પહેલા અજય તથા સંદીપે બોપલ નજીક નાળિયામાં બાઈકની પાછળ બેઠેલા બહેનના ગળામાંથી સોનાનો ચેઈન તોડી રજાકભાઈની દુકાને રૂ.16000માં વેચ્યો હતો.